મરાઠા સમુદાય ૧૮૮૧ થી અનામત માટે લાયક છે, પરંતુ તેણે પહેલા ક્યારેય તેની માંગણી કરી ન હતી કારણ કે તે એક પ્રગતિશીલ જૂથ રહ્યો છે. હવે તેને તેની પેઢીઓના ભવિષ્યને સુરક્ષિત કરવા માટે અનામતની જરૂર છે. આ સામાજિક કાર્યકર્તા મનોજ જરંગેનું નિવેદન છે. શુક્રવારે છત્રપતિ સંભાજીનગરની એક હોસ્પિટલમાં તેમણે પત્રકારો સાથે વાત કરી, જ્યાં તેમને મુંબઈમાં પાંચ દિવસની ભૂખ હડતાળ પૂરી કર્યા બાદ દાખલ કરવામાં આવ્યા હતા.
જરાંગેએ મહારાષ્ટ્રના મંત્રી અને અગ્રણી ઓબીસી નેતા છગન ભુજબળ પર તેમના જૂથના અન્ય લોકોને પ્રગતિ કરવા ન દેવાનો આરોપ પણ લગાવ્યો. સામાજિક કાર્યકર્તાએ કહ્યું, ‘મરાઠા સમુદાય ૧૮૮૧ થી અનામત માટે પાત્ર છે (હૈદરાબાદ ગેઝેટને ટાંકીને). આપણા પૂર્વજા પ્રગતિશીલ હતા, તેથી તેઓએ તેનો લાભ લીધો ન હતો, પરંતુ આપણે આવનારી પેઢીઓ માટે સુરક્ષિત ભવિષ્ય સુનિશ્ચિત કરવું પડશે. તેથી આપણા માટે અનામત જરૂરી બની ગયું છે.’
જરાંગેએ દાવો કર્યો, ‘ઘણા લોકો અચાનક નિષ્ણાત બની ગયા છે અને સરકારી આદેશની ટીકા કરી રહ્યા છે.’ જાકે, તેઓ અમારા સમુદાયના છે અને મરાઠાઓ પ્રત્યે સહાનુભૂતિ ધરાવે છે.જીઆરના ડ્રાફ્ટમાં મને જે કંઈ ખોટું લાગ્યું, મેં ત્યાં (મુંબઈમાં) તેમાં ફેરફાર કરાવ્યો. તે જ સમયે, આઝાદ મેદાનમાં વિરોધ દરમિયાન મરાઠા સમુદાયના સભ્યો સામે નોંધાયેલા કેસ પાછા ખેંચવામાં આવશે. મંત્રીઓ પ્રતાપ સરનાઈક અને ઉદય સામંત તેના પર કામ કરી રહ્યા છે.’
ભુજબળ અંગે, તેઓ કહે છે કે તેઓ અન્ય ઓબીસી નેતાઓનું શોષણ કરે છે અને તેમને બાજુ પર રાખે છે. જ્યાં સુધી તેઓ રહેશે, ત્યાં સુધી તેઓ કોઈને (ઓબીસી) બહાર આવવા દેશે નહીં. આ ઉપરાંત, જરંગેએ કહ્યું કે બંજારા સમુદાયે ગેઝેટના આધારે અનુસૂચિત જનજાતિ શ્રેણી હેઠળ અનામતની માંગ કરી છે અને જા તેમની માંગ વાજબી હોય, તો તેમને અનામત મળવી જ જાઈએ. ગરીબોનું શોષણ ન થવું જાઈએ.
