પટણા એરપોર્ટ પર એક મહિલાનો મૃતદેહ મળી આવ્યો છે. પટના એરપોર્ટના નવા ટર્મિનલ બિલ્ડીંગમાં આવેલા વરસાદી પાણીના ગટરમાંથી શનિવારે રાત્રે ૩૨ વર્ષીય મહિલાનો મૃતદેહ મળી આવ્યો હતો. એવી શંકા છે કે મહિલા પર બળાત્કાર ગુજારવામાં આવ્યો હતો અને પછી તેની હત્યા કરવામાં આવી હતી. પોલીસે મૃતદેહને મોર્ચ્યુરીમાં મોકલી આપ્યો છે અને તપાસ શરૂ કરી છે. મહિલાનો મૃતદેહ મળી આવતા સનસનાટી ફેલાઈ ગઈ છે.
સચિવાલયના ડીએસપી-૧ ડા. અનુ કુમારીએ જણાવ્યું હતું કે મહિલાનો મૃતદેહ શનિવારે રાત્રે મળી આવ્યો હતો. પોલીસ તેની ઓળખ કરવાનો પ્રયાસ કરી રહી છે અને ટર્મિનલ બિલ્ડીંગમાં કામ કરતા લોકોની પણ પૂછપરછ કરી રહી છે. શનિવારે રાત્રે અત્યંત સંવેદનશીલ એરપોર્ટ પરિસરમાં એક મહિલાનો મૃતદેહ મળી આવતા હંગામો મચી ગયો હતો. વિવિધ પ્રકારની અટકળો લગાવવામાં આવવા લાગી. શરૂઆતની તપાસમાં, પોલીસનું માનવું છે કે પાઇપલાઇન નાખનારા કામદારો મહિલાની હત્યામાં સામેલ હોઈ શકે છે, કારણ કે મહિલાની હત્યા કર્યા પછી, તેના શરીરને પાઇપમાં ભરીને બંધ કરી દેવામાં આવ્યું હતું.
પોલીસ પાઇપલાઇન નાખતા કામદારો વિશે માહિતી એકત્રિત કરી રહી છે. તેની પૂછપરછ કરવામાં આવશે. એવી શંકા છે કે મૃત મહિલા મજૂર, બહારથી બોલાવવામાં આવેલ કોઈ વ્યક્તિ અથવા પ્રવાસી હોઈ શકે છે. હાલમાં ઓળખ થયા પછી જ મામલો સ્પષ્ટ થશે. પટના એરપોર્ટ પર નિર્માણાધીન નવી ટર્મિનલ બિલ્ડીંગમાં છત પરથી જમીન પર વરસાદી પાણી વહન કરવા માટે પાઈપો નાખવામાં આવી છે. ફીટ કર્યા પછી, મંગળવારે સાંજે લગભગ અઢી ફૂટ વ્યાસની પાઇપનું નિરીક્ષણ કરવામાં આવી રહ્યું હતું. ત્રણ પાઇપમાંથી પાણી વહી રહ્યું હતું, જ્યારે એક પાઇપમાંથી પાણી ટપકતું હતું. બ્લોકેજનું કારણ જાણવા માટે, એન્યજીરે પાઇપના બ્લોક થયેલા ભાગને કટરથી કાપી નાખ્યો અને ત્યાં એક મહિલાનો મૃતદેહ મળ્યો.
લાશ અર્ધ નગ્ન અવસ્થામાં હતી. અત્યંત સંવેદનશીલ એરપોર્ટ પરિસરમાં મૃતદેહ મળી આવતાં અફડાતફડી મચી ગઈ હતી. રાત્રે ૮ વાગ્યે એરપોર્ટ પોલીસ સ્ટેશનમાં આ ઘટનાની જાણ કરવામાં આવી હતી. એરપોર્ટ પોલીસ સ્ટેશનના ઇન્ચાર્જે જણાવ્યું હતું કે મહિલાનો મૃતદેહ બે દિવસ જૂનો લાગે છે. ઘટના પછી, જ્યારે પોલીસે એરપોર્ટ પર કામ કરતી બાંધકામ એજન્સીઓનો સંપર્ક કર્યો, ત્યારે જાણવા મળ્યું કે ત્રણ એજન્સીઓમાં મહિલા કામદારો કામ કરી રહી છે. એજન્સીઓનો દાવો છે કે એક મહિલા કર્મચારી સિવાય, કોઈ મહિલા કર્મચારી ગુમ કે શંકાસ્પદ સંજાગોમાં ગુમ નથી. જોકે, સૂત્રોના જણાવ્યા અનુસાર, મહિલા કર્મચારીનો મોબાઇલ ફોન હાલમાં ઉપલબ્ધ નથી. રવિવારે તે ફરજ પર ન આવ્યા બાદ પોલીસ તેના વિશે માહિતી એકઠી કરી રહી છે.
