સાવરકુંડલા તાલુકાના શેલણા ગામે મહાદેવ ગ્રુપ દ્વારા ઉનાળાની કાળજાળ ગરમીમાં અબોલ પક્ષીઓ માટે અનોખી પહેલ હાથ ધરવામાં આવી છે. વંડાથી જેસર જતા માર્ગના તમામ લીમડાના
વૃક્ષો પર પાણીના કુંડા મૂકવામાં આવ્યા છે. આ કુંડામાં દરરોજ ત્રણ વખત સ્વચ્છ પાણી ભરવામાં આવે છે, જેથી પક્ષીઓ તરસ્યા નથી જતાં. આ પહેલ પશુ-પક્ષીઓ માટે પ્રેમ અને માનવતાની ઊંડી ભાવનાને દર્શાવે છે. મહાદેવ ગ્રુપનું આ સેવાકાર્ય શેલણા ગામ સહિત સમગ્ર વિસ્તાર માટે પ્રેરણાદાયી છે. આ કાર્ય દ્વારા પર્યાવરણ પ્રત્યે સંવેદનશીલતા પણ વધે છે. આ કાર્યને સમાજના વિવિધ વર્ગો તરફથી આવકાર મળી રહ્યો છે અને અન્ય લોકો પણ આવા કાર્યો માટે પ્રોત્સાહિત થઈ રહ્યા છે.
