સાવરકુંડલા તાલુકાના દેતડ ગામે ધાતરવડી નદીના પટમાં અકસ્માતે પડી જવાથી એક વ્યક્તિનું મોત નિપજ્યાની ઘટના સામે આવી હતી. નદીના પટમાં ચાલતી વખતે સંતુલન બગડતા માથાના ભાગે ગંભીર ઈજા થવાને કારણે આ દુર્ઘટના સર્જાઈ હોવાનું પ્રાથમિક રીતે જાણવા મળ્યું હતું. પુનાભાઈ મધુભાઇ વાઘેલા (ઉ.વ.૩૨) એ જાહેર કર્યા મુજબ પ્રકાશભાઇ વિનુભાઇ વાઘેલા (ઉ.વ.૩૬) કોઈ કામ અર્થે ધાતરવડી નદીના પટમાંથી પસાર થઈ રહ્યા હતા. આ દરમિયાન કોઈ કારણોસર તેઓ નદીના પટમાં પછડાયા હતા. આ અકસ્માતમાં તેમના માથાના ભાગે, ખાસ કરીને ડાબી આંખના લમણા પાસે ગંભીર મૂઢ ઈજા થઈ હતી. માથાના ભાગે થયેલી ગંભીર ઈજાને કારણે લોહી વહી જવાથી અથવા આંતરિક ઈજાના કારણે તે વ્યક્તિનું કરુણ મોત નિપજ્યું હતું. ઘટનાની જાણ થતા જ આસપાસના લોકો એકઠા થઈ ગયા હતા અને સ્થાનિક પોલીસને જાણ કરવામાં આવી હતી. પોલીસે ઘટનાસ્થળે પહોંચી મૃતદેહને પોસ્ટમોર્ટમ અર્થે હોસ્પિટલ ખસેડ્યો હતો અને અકસ્માતે મોતના ગુના હેઠળ આગળની તપાસ હાથ ધરી હતી. આ ઘટનાથી દેતડ ગામમાં શોકનું મોજું ફરી વળ્યું હતું.
