યમનમાં મૃત્યુદંડનો સામનો કરી રહેલી ભારતીય નર્સ નિમિષા પ્રિયાના કેસ અંગે, વિદેશ મંત્રાલયે કહ્યું કે ભારત સરકાર નિમિષા પ્રિયાને મદદ કરવા માટે તમામ પ્રયાસો કરી રહી છે. તેમણે કહ્યું, ‘અમે કાનૂની મદદ પૂરી પાડી છે અને તેમના પરિવારને મદદ કરવા માટે એક વકીલની પણ નિમણૂક કરી છે. અમે સ્થાનિક અધિકારીઓ અને તેમના પરિવાર સાથે સંપર્કમાં છીએ જેથી આ મામલાનો કોઈ ઉકેલ શોધી શકાય.’
તેમણે વધુમાં કહ્યું કે છેલ્લા કેટલાક દિવસોમાં પીડિત પરિવારને વધુ સમય આપવાના પ્રયાસો કરવામાં આવ્યા છે જેથી તેઓ બીજા પક્ષ સાથે પરસ્પર સમજૂતી કરી શકે. ભારત સરકાર આ મામલા પર સતત નજર રાખી રહી છે અને શક્ય તેટલા બધા રીતે મદદ કરવાનું ચાલુ રાખશે. આ ઉપરાંત, સરકાર આ મામલે કેટલાક મિત્ર દેશો સાથે પણ સંપર્કમાં છે. તે જ સમયે, વિદેશ મંત્રાલયે નાટો સેક્રેટરી જનરલ માર્ક રુટની ટિપ્પણીનો પણ જવાબ આપ્યો, જેમાં તેમણે કહ્યું હતું કે જે દેશો રશિયા પાસેથી તેલ ખરીદે છે તેમને ગૌણ પ્રતિબંધોનો સામનો કરવો પડી શકે છે. આ અંગે રણધીર જયસ્વાલે કહ્યું, ‘અમે આ વિષય પરના સમાચાર જાયા છે અને બધી પ્રગતિ પર નજીકથી નજર રાખી રહ્યા છીએ. હું સ્પષ્ટ કરવા માંગુ છું કે ભારતના લોકોની ઉર્જા જરૂરિયાતો પૂરી કરવી એ અમારા માટે સૌથી મોટી પ્રાથમિકતા છે. આ દિશામાં, અમે બજારમાં ઉપલબ્ધ વિકલ્પો અને વૈશ્વિક પરિસ્થિતિને ધ્યાનમાં રાખીને નિર્ણયો લઈએ છીએ.’
તેમણે કહ્યું કે આ મામલે કોઈ બેવડા ધોરણો અપનાવવા જાઈએ નહીં. તમને જણાવી દઈએ કે ભારત રશિયા પાસેથી તેલ ખરીદતું રહ્યું છે, જે પશ્ચિમી દેશોના પ્રતિબંધો છતાં ચાલુ છે. હવે નાટો ચીફના નિવેદનથી એક નવી ચર્ચા શરૂ થઈ છે. આ અંગે ભારતનો વલણ સ્પષ્ટ છે – તેના નાગરિકોની સુરક્ષા અને ઉર્જા જરૂરિયાતો હંમેશા પ્રાથમિકતા રહેશે.
આ સમય દરમિયાન, ભારત-અમેરિકા વેપાર કરાર પર, વિદેશ મંત્રાલયના પ્રવક્તા રણધીર જયસ્વાલે કહ્યું, ‘આ એક એવો મુદ્દો છે જેના પર બંને પક્ષો વચ્ચે ચર્ચા થઈ રહી છે. જ્યારે કંઈક અંતિમ સ્વરૂપ મળશે, ત્યારે અમે માહિતી શેર કરીશું.’
માહિતી શેર કરતી વખતે, વિદેશ મંત્રાલયે કહ્યું કે, ‘આ વર્ષે ૨૦ જાન્યુઆરીથી ગઈકાલ સુધી, લગભગ ૧૫૬૩ ભારતીય નાગરિકોને અમેરિકાથી પાછા મોકલવામાં આવ્યા છે. આમાંથી મોટાભાગના ભારતીય નાગરિકો કોમર્શિયલ ફ્લાઇટ્સ દ્વારા આવ્યા છે’.
