મહારાષ્ટ્ર નવનિર્માણ સેનાના વડા રાજ ઠાકરેએ રાજ્યના શાળા શિક્ષણ મંત્રી દાદા ભૂસેને પત્ર લખીને માંગ કરી છે કે મહારાષ્ટ્ર રાજ્ય માધ્યમિક અને ઉચ્ચતર માધ્યમિક શિક્ષણ બોર્ડ હેઠળની શાળાઓમાં ધોરણ ૧ થી ફક્ત બે ભાષાઓ, મરાઠી અને અંગ્રેજી શીખવવામાં આવે. ઠાકરેએ પોતાના પત્રમાં રાજ્ય સરકારની તાજેતરની જાહેરાતનો ઉલ્લેખ કર્યો છે, જેમાં ધોરણ ૧ થી ત્રણ ભાષાઓનો સમાવેશ કરવાનો પ્રસ્તાવ મૂકવામાં આવ્યો હતો, જેમાં હિન્દીને ફરજિયાત ત્રીજી ભાષા તરીકે દર્શાવવામાં આવી હતી. જાકે, લોકોની ટીકા અને વિરોધ બાદ, સરકારે પાછળથી સ્પષ્ટતા કરી હતી કે હિન્દી ફરજિયાત રહેશે નહીં.
રાજ ઠાકરેએ આ અંગે ચિંતા વ્યક્ત કરી હતી અને કહ્યું હતું કે આ સ્પષ્ટતા છતાં, કોઈ ઔપચારિક સરકારી ઠરાવ કે લેખિત સૂચનાઓ જારી કરવામાં આવી નથી, જેના કારણે મૂંઝવણ ઊભી થઈ છે. તેમણે વધુમાં માહિતી આપી હતી કે અગાઉના ત્રણ ભાષાના નિર્ણયના આધારે હિન્દી પાઠ્યપુસ્તકોનું છાપકામ શરૂ થઈ ગયું છે. તેમણે ચેતવણી આપી હતી કે જા સરકાર ભવિષ્યમાં તેના પાછલા વલણ પર પાછી ફરે છે, તો તેણે તેના પરિણામોની સંપૂર્ણ જવાબદારી લેવી પડશે. તેમના પત્રમાં, ઠાકરેએ શિક્ષણ વિભાગને સ્પષ્ટ અને સત્તાવાર લેખિત આદેશ જારી કરવા હાકલ કરી છે જેમાં જણાવવામાં આવ્યું છે કે ધોરણ ૧ થી ફક્ત મરાઠી અને અંગ્રેજી જ શીખવવામાં આવશે. તેમણે ભાર મૂક્્યો કે અન્ય ઘણા ભારતીય રાજ્યોએ બે ભાષાની નીતિ અપનાવી છે અને મહારાષ્ટ્રને પણ તેનું પાલન કરવા વિનંતી કરી છે.
રાજ ઠાકરેએ પોતાના પત્ર દ્વારા રાજ્ય સરકાર પાસેથી શાળા શિક્ષણમાં તેની પ્રસ્તાવિત ભાષા નીતિ અંગે સ્પષ્ટતા માંગી છે, જેમાં એક ચોક્કસ અને પારદર્શક અભિગમની જરૂરિયાત પર ભાર મૂક્યો છે. તમને જણાવી દઈએ કે આ દિવસોમાં મહારાષ્ટ્રમાં ભાષાઓને લઈને વિવાદ ચાલી રહ્યો છે. મરાઠી ન બોલવા બદલ લોકોને દરરોજ માર મારવામાં આવી રહ્યો છે. આવી સ્થિતિમાં, તાજેતરમાં રાજ્ય સરકારે શાળા શિક્ષણમાં ત્રણ ભાષાઓ ફરજિયાત બનાવવાની જાહેરાત કરી હતી. જાકે, જ્યારે તેની ટીકા થવા લાગી, ત્યારે રાજ્ય સરકારે સ્પષ્ટતા કરી કે રાજ્યમાં અંગ્રેજી અને મરાઠી શીખવવામાં આવશે. તે જ સમયે, હિન્દી ત્રીજી ભાષા તરીકે ફરજિયાત રહેશે નહીં. આ બાબતે, રાજ ઠાકરેએ હવે રાજ્યના શિક્ષણ પ્રધાન દાદા ભૂસેને પત્ર લખ્યો છે.
