ભારત અને ઇંગ્લેન્ડ વચ્ચેની ત્રીજી ટેસ્ટ મેચ ૧૦ જુલાઈથી લોર્ડ્સ ખાતે શરૂ થઈ ગઈ છે. યજમાન ઇંગ્લેન્ડે ટોસ જીતીને પહેલા બેટિંગ કરવાનો નિર્ણય લીધો. પ્રથમ દિવસ ઇંગ્લેન્ડના બેટ્સમેનોનો હતો. દિવસની રમતના અંત સુધીમાં, ઇંગ્લેન્ડે ૪ વિકેટ ગુમાવીને ૨૫૧ રન બનાવ્યા. જો રૂટ પાસે પહેલા દિવસે જ પોતાની સદી પૂર્ણ કરવાની શાનદાર તક હતી પરંતુ દિવસની રમતના અંત સુધી તે ૯૯ રન બનાવીને અણનમ રહ્યો. બીજા છેડે, તેને કેપ્ટન બેન સ્ટોક્સનો સાથ મળ્યો જે ૩૯ રન બનાવીને અણનમ છે.
જો રૂટ ભલે પહેલા દિવસે પોતાની સદી પૂર્ણ કરી શક્યો ન હોય, પરંતુ તેણે ૯૯ રન બનાવીને ઇતિહાસ રચ્યો. વાસ્તવમાં, રૂટ ઇંગ્લેન્ડમાં ૭૦૦૦ ટેસ્ટ રનનો આંકડો સ્પર્શનાર વિશ્વનો પ્રથમ બેટ્સમેન બન્યો. રૂટ પહેલાથી જ ઇંગ્લેન્ડની ધરતી પર ટેસ્ટમાં સૌથી વધુ રન બનાવવાનો રેકોર્ડ ધરાવે છે. હવે, ૯૯ રન બનાવીને, તેણે ઇંગ્લેન્ડની ધરતી પર ટેસ્ટમાં ૭૦૦૦ રન બનાવવાનો મોટો રેકોર્ડ બનાવ્યો. ઇંગ્લેન્ડની ધરતી પર સૌથી વધુ ટેસ્ટ રન બનાવનારા બેટ્સમેન જો રૂટ – ૭૦૦૦,એલિસ્ટર કૂક – ૬૫૬૮ગ્રેહામ ગૂચ – ૫૯૧૭ છે
આ પહેલા, જો રૂટે ભારત સામે ૪૫ રન બનાવતાની સાથે જ ૩૦૦૦ ટેસ્ટ રન પૂરા કર્યા હતા. આ રીતે, તે ભારત સામે ટેસ્ટમાં ૩ હજાર રન બનાવનાર વિશ્વનો પ્રથમ બેટ્સમેન બન્યો હતો. આ ઇનિંગ દરમિયાન, તેણે ભારત સામે ત્રણેય ફોર્મેટમાં કુલ ૪૦૦૦ રન પૂરા કરવાની સિદ્ધિ પણ હાંસલ કરી હતી. લોર્ડ્સ ટેસ્ટની પ્રથમ ઇનિંગમાં ૩૩ રન બનાવતાની સાથે જ તે ભારત સામે આંતરરાષ્ટ્રીય ક્રિકેટમાં ૪૦૦૦ રન બનાવનાર વિશ્વનો ચોથો બેટ્સમેન બન્યો હતો. આ પહેલા ફક્ત ઓસ્ટ્રેલિયાના રિકી પોન્ટિંગ અને શ્રીલંકાના મહેલા જયવર્ધને અને કુમાર સંગાકારા જ આ સિદ્ધિ મેળવી શક્યા હતા. હવે જો રૂટનું નામ પણ આ ખાસ ક્લબમાં સામેલ થયું છે.
આંતરરાષ્ટ્રીય ક્રિકેટમાં ભારત સામે સૌથી વધુ રન બનાવનારા બેટ્સમેન રિકી પોન્ટિંગ – ૪૭૯૫,મહેલા જયવર્દને – ૪૫૬૩,કુમાર સંગાકારા – ૪૨૮૭ જો રૂટ – ૪૦૬૬
