બિહારમાં લાલુ પરિવાર વિશે ઘણી ચર્ચા ચાલી રહી છે. લાલુ યાદવે તેમના મોટા પુત્ર તેજ પ્રતાપને પાર્ટી અને પરિવારમાંથી હાંકી કાઢ્યા છે. આ દરમિયાન, લાલુના નાના પુત્ર તેજસ્વી યાદવે ફરી એકવાર તેમના ભાઈ તેજ પ્રતાપ વિશે નિવેદન આપ્યું છે. તેમણે કહ્યું, ‘રાષ્ટ્રીય અધ્યક્ષ (લાલુ યાદવ) જે પણ નિર્ણય લે છે, મને લાગે છે કે તેના પર હવે કોઈ ચર્ચા થવી જોઈએ નહીં. રાષ્ટ્રીય અધ્યક્ષ સૌથી અનુભવી છે. તેઓ જાણે છે કે બિહાર માટે શું સારું છે, પાર્ટીનું ભલું કેવી રીતે થશે. એકવાર તેમણે નિર્ણય લઈ લીધો પછી, તેના પર કોઈ ચર્ચા ન થવી જોઈએ. અમે કોઈના અંગત જીવન પર ટિપ્પણી કરવા માંગતા નથી.’
તેજ પ્રતાપ યાદવનો એક છોકરી સાથેનો ફોટો તેમના સોશિયલ મીડિયા હેન્ડલ પર વાયરલ થયો હતો. છોકરીનું નામ અનુષ્કા યાદવ છે. પોસ્ટમાં દાવો કરવામાં આવ્યો હતો કે આ છોકરી અને તેજ પ્રતાપ રિલેશનશિપમાં છે, જ્યારે તેજ પ્રતાપ યાદવ પહેલાથી જ પરિણીત છે અને છૂટાછેડાનો કેસ ચાલી રહ્યો છે. આ પોસ્ટ પ્રકાશમાં આવ્યા પછી, તેજ પ્રતાપ વિવાદોમાં ફસાઈ ગયા. જોકે તેજ પ્રતાપે પાછળથી દાવો કર્યો હતો કે તેમનું સોશિયલ મીડિયા હેક કરવામાં આવ્યું હતું, પરંતુ ત્યાં સુધીમાં મામલો ગરમાઈ ગયો હતો.
મામલો પ્રકાશમાં આવ્યા પછી, તેજના પિતા લાલુ યાદવે તેમને પાર્ટી અને પરિવારમાંથી હાંકી કાઢ્યા. લાલુ યાદવે તેજને ૬ વર્ષ માટે પાર્ટીમાંથી હાંકી કાઢ્યો. લાલુ યાદવે ઇન્સ્ટાગ્રામ પર પોસ્ટ કરીને કહ્યું, ‘વ્યક્તિગત જીવનમાં નૈતિક મૂલ્યોનું અનાદર કરવાથી સામાજિક ન્યાય માટેના આપણા સામૂહિક સંઘર્ષને
નબળો પડે છે.’ મોટા દીકરાની પ્રવૃત્તિઓ, જાહેર વર્તન અને બેજવાબદાર વર્તન આપણા કૌટુંબિક મૂલ્યો અને સંસ્કારો અનુસાર નથી. તેથી, ઉપરોક્ત સંજાગોને કારણે, હું તેને પક્ષ અને પરિવારમાંથી દૂર કરી રહ્યો છું. હવેથી, તેની પાર્ટી અને પરિવારમાં કોઈ ભૂમિકા રહેશે નહીં. તેને ૬ વર્ષ માટે પાર્ટીમાંથી હાંકી કાઢવામાં આવે છે.’
લાલુએ કહ્યું, ‘તે પોતાના અંગત જીવનના સારા અને ખરાબ અને ગુણદોષો જોવા માટે સક્ષમ છે. જે લોકો તેની સાથે સંબંધ રાખશે તેમણે પોતાની વિવેકબુદ્ધિથી નિર્ણય લેવો જોઈએ. હું હંમેશા જાહેર જીવનમાં જાહેર શરમનો હિમાયતી રહ્યો છું. પરિવારના આજ્ઞાકારી સભ્યોએ જાહેર જીવનમાં આ વિચાર અપનાવ્યો છે અને તેનું પાલન કર્યું છે. આભાર.’
