ગુરુગ્રામમાં રાજ્ય સ્તરની ટેનિસ ખેલાડી રાધિકા યાદવની હત્યા બાદ, તપાસ તેજ થઈ ગઈ છે. તપાસના વર્તુળમાં ઈનામ-ઉલ-હકનું નામ પણ સામે આવી રહ્યું છે, જેની સાથે રાધિકાએ મ્યુઝિક આલ્બમમાં કામ કર્યું હતું. જોકે, ઈનામ-ઉલ-હક કહે છે કે તેમની અને રાધિકા વચ્ચે કોઈ ખાસ વાતચીત થઈ નથી. બંનેની મુલાકાત એક ટેનિસ પ્રીમિયર લીગ દરમિયાન થઈ હતી, જેમાં રાધિકાએ અભિનેત્રી તરીકે કામ કરવાની ઇચ્છા વ્યક્ત કરી હતી. આ પછી, બંને વચ્ચે વાતચીત થઈ હતી. જોકે, બાદમાં રાધિકા અને ઈનામ-ઉલ-હકનો એક મ્યુઝિક આલ્બમ પણ શૂટ કરવામાં આવ્યો હતો, જે હવે બહાર આવી રહ્યો છે.
ખરેખર, તાજેતરમાં રાધિકા યાદવ એક વીડિયો આલ્બમમાં જોવા મળી હતી. આ વીડિયો ગયા વર્ષે રિલીઝ થયો હતો. ઈનામ-ઉલ-હકે આ વીડિયોમાં રાધિકા સાથે સહ-અભિનેતા તરીકે કામ કર્યું હતું. રાધિકાની હત્યા પછી, બંને વચ્ચે અફેર હોવાની શક્યતા વ્યક્ત કરવામાં આવી રહી છે. એવું પણ અનુમાન કરવામાં આવી રહ્યું છે કે આ અફેર રાધિકાની હત્યાનું કારણ પણ હોઈ શકે છે. આવી સ્થિતિમાં, ઈનામ-ઉલ-હક પહેલીવાર મીડિયા સામે આવ્યા. ઇનામ-ઉલ-હકે કહ્યું, “હું તેને (રાધિકા) પહેલી વાર દુબઈમાં આયોજિત ટેનિસ પ્રીમિયર લીગમાં મળ્યો હતો. ત્યારબાદ હું તેને એક મ્યુઝિક વીડિયોમાં મળ્યો હતો. તે મારા માટે એક અભિનેત્રી હતી. મેં ઘણી અભિનેત્રીઓ સાથે કામ કર્યું છે.”
ઇનામ-ઉલ-હકે કહ્યું, “તે (રાધિકા) ફક્ત મ્યુઝિક વીડિયોના શૂટિંગ માટે આવી હતી અને પછી જતી રહી. અમે ફક્ત તેને સારી રકમ આપી હતી. વિડિઓના નિર્માણ માટે પૈસા ચૂકવવામાં આવ્યા ન હતા. તે પછી, અમે ક્્યારેય સંપર્ક કર્યો નહીં. આ ઘટનાને હિન્દુ-મુસ્લીમ એનગલ પણ આપવામાં આવી રહ્યો છે. મને ખબર નથી કે આવું કેમ કરવામાં આવી રહ્યું છે. મારો આ બાબત સાથે કોઈ લેવાદેવા નથી. રાધિકા પાસે કોઈ સોશિયલ મીડિયા નથી. યુટ્યુબ પર ફક્ત એક વિડિયો કલીપ છે, તેથી તેને વારંવાર પ્રકાશિત કરવામાં આવી રહી છે.” જોકે, પોલીસ ટીમ રાધિકા યાદવ હત્યા કેસમાં તમામ પાસાઓની તપાસ કરી રહી છે.
