પ્રધાનમંત્રી નરેન્દ્ર મોદી ૨૦ ડિસેમ્બરે પશ્ચિમ બંગાળમાં બે રાષ્ટ્રીય ધોરીમાર્ગ પ્રોજેક્ટ્સનો શિલાન્યાસ કરશે. આ પ્રોજેક્ટ્સ કોલકાતા અને સિલિગુડી વચ્ચે રોડ કનેક્ટ વિટીને મજબૂત બનાવશે. પીએમ એક સભાને પણ સંબોધિત કરશે. ત્યારબાદ, પીએમ આસામની યાત્રા કરશે, જ્યાં તેઓ ૧૫,૬૦૦ કરોડના પ્રોજેક્ટ્સનો શિલાન્યાસ અને ઉદ્ઘાટન કરશે.પશ્ચિમ બંગાળમાં આગામી વિધાનસભા ચૂંટણીઓને લગતી વધતી રાજકીય ગતિવિધિઓ વચ્ચે, પ્રધાનમંત્રી નરેન્દ્ર મોદી શનિવાર, ૨૦ ડિસેમ્બરે પશ્ચિમ બંગાળની મુલાકાત લેશે. પીએમ મોદી પશ્ચિમ બંગાળમાં ?૩,૨૦૦ કરોડના બે રાષ્ટ્રીય ધોરીમાર્ગ પ્રોજેક્ટ્સનો શિલાન્યાસ કરશે. તેઓ સભાને પણ સંબોધિત કરશે.પ્રધાનમંત્રી કાર્યાલય અનુસાર, પીએમ મોદી સવારે ૧૧ઃ૧૫ વાગ્યે નાદિયા જિલ્લામાં એનએચ-૩૪ ના ૬૬.૭ કિલોમીટર લાંબા બરાજગુલીથી કૃષ્ણનગર સેક્શનને પહોળો કરવા માટે શિલાન્યાસ કરશે. તેઓ ઉત્તર ૨૪ પરગણા જિલ્લામાં રાષ્ટ્રીય ધોરીમાર્ગ ૩૪ ના ૧૭.૬ કિલોમીટર લાંબા બારાસત-બારાજગુલી વિભાગના ચાર-લેન પહોળાકરણ માટે શિલાન્યાસ પણ કરશે.આ બંને પ્રોજેક્ટ પશ્ચિમ બંગાળ માટે મહત્વપૂર્ણ છે. તેમના પૂર્ણ થવાથી કોલકાતા અને સિલિગુડી વચ્ચેનો માર્ગ જાડાણ મજબૂત થશે અને મુસાફરીનો સમય લગભગ બે કલાક ઘટશે. વધુમાં, આનાથી પ્રદેશમાં આર્થિક વિકાસ અને પર્યટનમાં વધારો થશે.પશ્ચિમ બંગાળમાં આવતા વર્ષે વિધાનસભા ચૂંટણીઓ યોજાવાની છે. તે પહેલા વડા પ્રધાન મોદીની મુલાકાત રાજકીય રીતે મહત્વપૂર્ણ માનવામાં આવે છે. તાજેતરમાં મતદાર યાદીઓના ડીપ રિવિઝન અને અન્ય મુદ્દાઓ પર પશ્ચિમ બંગાળમાં રાજકારણ ગરમાયું છે.સંસદના શિયાળુ સત્ર દરમિયાન, મનરેગા અને અન્ય મુદ્દાઓ પર ભાજપ અને તૃણમૂલ કોંગ્રેસના સાંસદો વચ્ચેનો સંઘર્ષ સામે આવ્યો હતો. તૃણમૂલ કોંગ્રેસના સાંસદોએ જી રામજી બિલ પર સંસદની અંદર અને બહાર ઉગ્ર વિરોધ પણ કર્યો હતો. ગુરુવારે મોડી રાત્રે રાજ્યસભામાં જી રામજી બિલ પસાર થયા પછી, તૃણમૂલ કોંગ્રેસના સાંસદોએ સંસદના દરવાજા પર ઘણા કલાકો સુધી ધરણા કર્યા.આ પછી, પીએમ મોદી બે દિવસની મુલાકાતે આસામ જશે, જ્યાં તેઓ ?૧૫,૬૦૦ કરોડના પ્રોજેક્ટ્સનું ઉદ્ઘાટન અને શિલાન્યાસ કરશે. તેઓ જાહેર સભાઓને પણ સંબોધિત કરશે. તેઓ તેમના નામ પર આવેલા નવા એરપોર્ટની બહાર આસામના પ્રથમ મુખ્યમંત્રી ગોપીનાથ બોરદોલોઈની ૮૦ ફૂટ ઊંચી પ્રતિમાનું અનાવરણ પણ કરશે. પ્રધાનમંત્રી ૪,૦૦૦ કરોડના ખર્ચે બનેલા નવા ટર્મિનલનું પણ ઉદ્ઘાટન કરશે.
