કેશોદના અગતરાય ગામમાં સાસરીયાના ત્રાસના કારણે યુવકે આપઘાત કર્યો છે. મૃતક નિલેશ દાફડાના પિતા મૃતકની પત્ની, સસરા સહિત ત્રણ સામે મરવા મજબૂર કર્યાની ફરિયાદ કરી છે. મૃતકની પત્ની રિસામણી જતા સમાધાન માટે પત્નીના પિયરના લોકોએ ૧૦ લાખની માંગણી કરવામાં આવી હોવાનો પણ આરોપ લગાવવામાં આવી રહ્યો છે. મૃતક પાસેથી લખેલી અંતિમ ચિઠ્ઠી મળી આવી હતી.
કેશોદના અગતરાય ગામમાં યુવકે આપઘાત કર્યાનું સામે આવ્યું છે. મૃતકના પિતાએ પત્ની, સસરા સહિત ત્રણ લોકો સામે યુવકને મરવા માટે મજબૂર કર્યાની ફરિયાદ નોંધાઈ છે. સાસરિયાઓએ રૂ.૧૦ લાખની જમાઈ સાથે માગ કરી હતી અને તેના કારણે ઝઘડા ચાલતા હતા. મૃતકે રૂપિયા ના આપતા તેમને ઢોર માર મારવામાં આવ્યો હોવાની પણ વાત સામે આવી છે. જેના કારણે યુવકે એસિડ પીને જીવન ટૂંકાવી દીધો છે. પોલીસે મૃતદેહને પીએમ માટે મોકલ્યો છે અને પીએમ થયા બાદ મૃતદેહ પરિજનોને સોંપવામાં આવશે.
નિલેશ દાફડાએ મરતાં પહેલા એક ચિઠ્ઠી લખી હતી. જેમાં તેમણે લખ્યું છે કે, “મારા મેરેજ જીગ્નાશા સાથે મેરેજ થયા હતા. પરણીને તે ઘરે જતી રહી હતી. ત્યાર બાદ હું તેમને પાછો લઇ આવ્યો અને તે ૧૫ દિવસ રહીને પાછી ચાલી ગઈ હતી. ત્યારથી મને બ્લોક કરી દીધો છે. પછી મને કાજલ રાવલીયા તથા તેમના પતિ નીતિન રાવલિયાએ ધમકી આપને કહ્યુ હતુ કે મને ૧૦ લાખ રૂપિયા આપ. તેમના પપ્પા કાનભાઈએ પણ આ જ માંગણીઓ કરી હતી. જીગ્નાશાને મારી સાથે લગ્ન કરવા ન હતા તો મારી જીંદગી શું કામ બગાડી હતી? મારી છ બહેનનોનો હું એક ભાઈ હતો. હું મારી જીંદગી સારી રીતે જીવતો હતો. મેં ક્યારેય કોઈનું ખરાબ નથી કર્યું તો મારી સાથે આવું કેમ કર્યું? હું મરી જાવ તો મને માફ કરજા.” યુવકની અંતિમ ચિઠ્ઠી ઉપરાંત એક વીડિયો પણ સામે આવ્યો છે. જેમાં તે કહી રહ્યો છે કે, સાસરી પક્ષના લોકો ત્રાસ આપતા હતા.
પોલીસે હાલ આ અંગે મૃતક પાસેથી મળેલી અંતિમ ચિઠ્ઠીના આધારે ગુનો નોંધ્યો છે. પોલીસે મૃતકની પત્ની અને તેના પિતાનું નિવેદન લીધુ છે. ફરિયાદના આધારે પોલીસે વધુ તપાસ હાથ ધરી છે.
