ઇઝરાયલી સેનાએ સોમવારે યમનના લાલ સમુદ્ર ક્ષેત્રમાં આવેલા હોદેઇદા પ્રાંતમાં હુથી બળવાખોરો સામે મોટા પાયે હવાઈ હુમલા શરૂ કર્યા. આ હુમલાઓમાં ઓછામાં ઓછા એક વ્યક્તિનું મોત થયું હતું અને ૩૫ અન્ય ઘાયલ થયા હતા.ઇઝરાયલના મુખ્ય એરપોર્ટ પર હુતી બળવાખોરો દ્વારા કરવામાં આવેલા મિસાઇલ હુમલાના જવાબમાં આ કાર્યવાહી કરવામાં આવી હતી. હુથી બળવાખોરોના મીડિયા કાર્યાલયે જણાવ્યું હતું કે સોમવારે બપોરે હોદેઇદા બંદર પર ઓછામાં ઓછા છ હવાઈ હુમલા કરવામાં આવ્યા હતા. આ ઉપરાંત, હોદેઇદા શહેરથી ૫૫ કિલોમીટર ઉત્તર-પૂર્વમાં આવેલા બાજિલ જિલ્લામાં એક સિમેન્ટ ફેક્ટરી પર પણ હુમલો કરવામાં આવ્યો હતો. આ બે સ્થળોએ થયેલા નુકસાન વિશે હજુ સુધી સંપૂર્ણ માહિતી મળી નથી.
ઇઝરાયલી સૈન્યએ જણાવ્યું હતું કે આ કાર્યવાહીમાં ૨૦ થી વધુ લડાકુ વિમાનોએ ભાગ લીધો હતો અને ડઝનબંધ લક્ષ્યો પર ૫૦ થી વધુ રાઉન્ડ દારૂગોળો છોડવામાં આવ્યો હતો. હોદેઈડાના રહેવાસીઓએ બંદર પર મોટા વિસ્ફોટો સાંભળ્યા અને ત્યાંથી આગ અને ધુમાડાના ગોટેગોટા નીકળતા જોયા. શહેરમાં એમ્બ્યુલન્સના સાયરનના અવાજા પણ ગુંજી રહ્યા હતા. “તે ખૂબ જ શÂક્તશાળી હતું,” હોદેદા નજીક રહેતા અહેમદ સાલેહે વિસ્ફોટો વિશે કહ્યું. બાજિલમાં સિમેન્ટ ફેક્ટરી પર હુમલા બાદ ત્યાં આગ અને ગાઢ ધુમાડો જોવા મળ્યો. સ્થાનિક રહેવાસી ખાલિદ સૈફે જણાવ્યું કે એમ્બ્યુલન્સ તાત્કાલિક ઘટનાસ્થળે પહોંચી ગઈ.
હુથી સંચાલિત આરોગ્ય મંત્રાલયે જણાવ્યું હતું કે સિમેન્ટ ફેક્ટરી પર ઇઝરાયલી હુમલામાં એક વ્યક્તિનું મોત થયું છે અને ૩૫ ઘાયલ થયા છે. મંત્રાલયે જણાવ્યું હતું કે બચાવ ટીમો હજુ પણ ગુમ થયેલા લોકોને શોધી રહી છે. તમને જણાવી દઈએ કે રવિવારે હુતી બળવાખોરોએ યમનથી એક મિસાઈલ છોડ્યું હતું, જે ઈઝરાયલના મુખ્ય એરપોર્ટ નજીક એક રસ્તા પર પડી હતી. આ હુમલાને કારણે, હવાઈ ઉડાન અને ટ્રાફિક થોડા સમય માટે રોકવો પડ્યો હતો, જ્યારે ૪ લોકો થોડા ઘાયલ થયા હતા. યુદ્ધ શરૂ થયા પછી ઇઝરાયલના એરપોર્ટ વિસ્તારમાં મિસાઇલ પડી હોય તેવો આ પહેલો પ્રસંગ હતો.
હુથી બળવાખોરોએ દાવો કર્યો હતો કે આ હુમલાઓ ઇઝરાયલ અને અમેરિકા દ્વારા સંયુક્ત કાર્યવાહી હતી. જાકે, એક અમેરિકન સંરક્ષણ અધિકારીએ નામ ન આપવાની શરતે જણાવ્યું હતું કે સોમવારે યમન પર ઇઝરાયલી હુમલામાં અમેરિકન દળો સામેલ નહોતા. આ હુમલાઓ ૧૫ માર્ચથી ચાલી રહેલા યુએસ લશ્કરી ઓપરેશન ‘ઓપરેશન રફ રાઇડર’નો ભાગ નહોતા, જેનો હેતુ હુતી બળવાખોરોને લાલ સમુદ્રમાં જહાજા પર હુમલો કરતા અટકાવવાનો હતો. આ ઉપરાંત, અન્ય એક અમેરિકી અધિકારીએ જણાવ્યું હતું કે સોમવારે અમેરિકી સેનાએ યમનની રાજધાની સનામાં અનેક હુમલા કર્યા હતા. આ અધિકારીએ નામ ન આપવાની શરતે આ માહિતી પણ આપી હતી.
તમને જણાવી દઈએ કે ૭ ઓક્ટોબર ૨૦૨૩ ના રોજ ગાઝા યુદ્ધ શરૂ થયા પછીથી હુતી બળવાખોરો પેલેસ્ટીનિયનોના સમર્થનમાં ઇઝરાયલ પર હુમલો કરી રહ્યા છે. તે જ સમયે, રાષ્ટ્રપતિ ડોનાલ્ડ ટ્રમ્પના નેતૃત્વમાં, યુએસ સેનાએ ૧૫ માર્ચથી હુતી બળવાખોરો પર દૈનિક હવાઈ હુમલાઓ તીવ્ર બનાવ્યા છે. ઇઝરાયલી સૈન્યએ કહ્યું કે હોદેઇદા બંદરને નિશાન બનાવવામાં આવ્યું હતું કારણ કે હુતી બળવાખોરો તેનો ઉપયોગ ઈરાન પાસેથી શ†ો અને લશ્કરી સાધનો મેળવવા માટે કરે છે.
