ભારતના પડોશી દેશ મ્યાનમારમાં કુખ્યાત ઇન્સેન જેલમાંથી ગુરુવારે મોટી સંખ્યામાં કેદીઓને મુક્ત કરવામાં આવ્યા હતા. સવારથી જેલના દરવાજાની બહાર રાહ જાઈ રહેલા સંબંધીઓ અને મિત્રોએ માળા અને આલિંગન આપીને તેમનું સ્વાગત કર્યું. આવતા મહિને ૨૮ ડિસેમ્બરે યોજાનારી સામાન્ય ચૂંટણીઓ પહેલા લશ્કરી જુન્ટા દ્વારા જારી કરાયેલી સામૂહિક માફીના ભાગ રૂપે આ મુક્તિ આવી છે.એક જેલ અધિકારીએ નામ ન આપવાની શરતે જણાવ્યું હતું કે આનો હેતુ આગામી ચૂંટણીઓમાં લાયક મતદારો ભાગ લઈ શકે તેની ખાતરી કરવાનો છે. ગુરુવારે કેદીઓની મુક્તિ શરૂ થઈ હોવાની પુષ્ટિ કરી, પરંતુ મુક્ત થનારાઓની ચોક્કસ સંખ્યા અથવા ઓળખ આપવાનો ઇનકાર કર્યો. હાલમાં કોઈ સંકેત નથી કે મુક્ત કરાયેલા કેદીઓમાં મ્યાનમારના ભૂતપૂર્વ નેતા અને નોબેલ શાંતિ પુરસ્કાર વિજેતા આંગ સાન સુ કીનો સમાવેશ થાય છે કે નહીં. સુ કી ૨૦૨૧ના લશ્કરી બળવામાં હાંકી કાઢવામાં આવેલી નેશનલ લીગ ફોર ડેમોક્રેસી સરકારના નેતા હતા અને ફેબ્રુઆરી ૨૦૨૧ થી તેમને સંપૂર્ણ રીતે નજરકેદ કરવામાં આવ્યા છે, બહારની દુનિયા સાથે કોઈ સંપર્ક નથી
