ઉત્તર પ્રદેશના મુખ્યમંત્રી યોગી આદિત્યનાથનું પાકિસ્તાન અંગે એક મોટું નિવેદન સામે આવ્યું છે. તેમણે એક સભા દરમિયાન સ્ટેજ પરથી પાકિસ્તાન પર નિશાન સાધ્યું. આ દરમિયાન મુખ્યમંત્રી યોગીએ એક મોટી ભવિષ્યવાણી કરી અને કહ્યું કે ખૂબ જ ટૂંક સમયમાં પાકિસ્તાનનું અસ્તીત્વ સમાપ્ત થવાનું છે. સીએમ યોગીએ કહ્યું કે અરાજક રાષ્ટ્રની હાલત પાકિસ્તાન જેવી છે. તેમણે કહ્યું કે પાકિસ્તાન અંદરથી સંપૂર્ણપણે ખાલી થઈ ગયું છે, અરાજક બની ગયું છે. આ અરાજકતા કોઈપણ રાષ્ટ્રને વિનાશની અણી પર લઈ જઈ શકે છે અને તેના અસ્તીત્વ પર પ્રશ્નાર્થ ચિહ્ન મૂકી શકે છે.
સીએમ યોગીએ કહ્યું, “આચાર્ય ચાણક્યએ કહ્યું હતું કે જા કોઈ રાષ્ટ્રમાં આંતરિક અશાંતિ હોય, તો તે રાષ્ટ્રને અરાજક કહેવામાં આવે છે. અરાજક રાષ્ટ્ર ખૂબ જ જલ્દી સમાપ્ત થાય છે. અરાજક રાષ્ટ્રની હાલત આજે તમે જાઈ રહ્યા છો તે પાકિસ્તાનની હાલત જેવી છે. તે અંદરથી સંપૂર્ણપણે ખાલી થઈ ગયું છે, અરાજક બની ગયું છે. આ અરાજકતા કોઈપણ રાષ્ટ્રને વિનાશની અણી પર લઈ જઈ શકે છે અને તેના અસ્તીત્વ પર પ્રશ્નાર્થ ચિહ્ન મૂકી શકે છે. ભારત પ્રાચીન સમયથી આ પરિસ્થિતિથી વાકેફ અને સતર્ક રહ્યું છે. ભારતની સુરક્ષા માટે આવી પદ્ધતિઓ બનાવવાની વૃત્તિ પણ રહી છે.” કોઈ પણ પુત્ર અરાજકતા સહન કરી શકતો નથીઃ સીએમ યોગી
તેમણે વધુમાં કહ્યું, “વૈદિક કાળથી, ભારતીયોને શીખવવામાં આવે છે કે પૃથ્વી આપણી માતા છે, બધા તેના પુત્રો છે. પૃથ્વી આપણી માતા છે, તેથી કોઈ પણ લાયક પુત્ર માતા સાથે કોઈપણ પ્રકારની દખલગીરી અને અરાજકતા સહન કરી શકતો નથી. જા કોઈ ભારતના ગૌરવ અને સન્માન સાથે કંઈ કરવાની હિંમત કરશે, તો દરેક ભારતીય ઉભા થશે. ભગવાન શ્રી રામે આપણા બધાને આ વાત કહી હતી. રાક્ષસોના આક્રોશની સ્થિતિમાં, તેમણે કહ્યું હતું કે હું આ રાક્ષસોનો સંપૂર્ણ નાશ કરીશ અને આ પૃથ્વીને રાક્ષસ મુક્ત બનાવીશ. આનો અર્થ એ છે કે, હું આપણા રાષ્ટ્રને તે બેકાબૂ તત્વોથી મુક્ત કરીશ જે આપણા રાષ્ટ્રની સુરક્ષામાં ભંગ કરી રહ્યા છે. આ સંકલ્પ રામરાજ્યનો પાયો બન્યો.”
