કેનેડાની કોલેજા, ખાસ કરીને ઓન્ટારિયોની ૨૪ જાહેર કોલેજા હાલમાં ગંભીર નાણાકીય કટોકટીનો સામનો કરી રહી છે. આ કટોકટીનું મુખ્ય કારણ જાણીને તમે ચોંકી જશો. આનું કારણ ભારતીય વિદ્યાર્થીઓની નોંધણીમાં થયેલો નોંધપાત્ર ઘટાડો છે, જેના પરિણામે આંતરરાષ્ટ્રીય વિદ્યાર્થીઓની ટ્યુશન ફી પર નિર્ભર કોલેજાની આર્થિક સ્થિતિ ખરાબ થઈ છે. આ નાણાકીય કટોકટીએ લગભગ ૧૦,૦૦૦ કર્મચારીઓની છટણી અને ૬૦૦ થી વધુ લોકપ્રિય અભ્યાસક્રમોનું સ્થગન અથવા રદ્દ થવાનું કારણ બન્યું છે. ઓન્ટારિયો પબ્લિક સર્વિસ એમ્પ્લોઇઝ યુનિયનના જણાવ્યા મુજબ, આ છટણીઓ શૈક્ષણિક, વહીવટી અને સહાયક ભૂમિકાઓમાં વ્યાપક છે, જે દર્શાવે છે કે કેનેડાની કોલેજા આંતરરાષ્ટ્રીય વિદ્યાર્થીઓની ઊંચી ટ્યુશન ફી પર કેટલી નિર્ભર છે.
કેનેડાની કોલેજા લાંબા સમયથી આંતરરાષ્ટ્રીય વિદ્યાર્થીઓ, ખાસ કરીને ભારતીય વિદ્યાર્થીઓની ઊંચી ટ્યુશન ફી પર આધાર રાખે છે. ૨૦૨૩ માં, ઓન્ટારિયોની કોલેજામાં ૬૦% થી વધુ આંતરરાષ્ટ્રીય વિદ્યાર્થીઓ ભારતના હતા. આ વિદ્યાર્થીઓ દ્વારા ચૂકવવામાં આવતી ઊંચી ફીએ કોલેજાના નાણાકીય માળખાને ટેકો આપ્યો હતો, જે પ્રાંતીય ભંડોળની મર્યાદાઓને પહોંચી વળવા માટે અનિવાર્ય હતું. જોકે, ૨૦૨૫ની શરૂઆતમાં, કેનેડિયન સરકારે આવાસ અને જાહેર સેવાઓ પરના દબાણને ઘટાડવા માટે સ્ટડી પરમિટ પર મર્યાદા લાદી. આ નીતિના પરિણામે નવા આંતરરાષ્ટ્રીય વિદ્યાર્થીઓની સંખ્યામાં ૪૮% નો ઘટાડો થયો, જેમાં ભારતીય વિદ્યાર્થીઓ સૌથી વધુ પ્રભાવિત થયા. ઇમિગ્રેશન, રેફ્યુજીસ એન્ડ સિટીઝનશિપ કેનેડાના આંકડા મુજબ, ૨૦૨૫ના પ્રથમ ત્રિમાસિક ગાળામાં ભારતીય નાગરિકોને આપવામાં આવેલા સ્ટડી પરમિટમાં ૩૧% નો ઘટાડો થયો, જે ગયા વર્ષના ૪૪,૨૯૫ ની સરખામણીએ ૩૦,૬૫૦ પર આવી ગયા.
ભારતીય વિદ્યાર્થીઓ ઓન્ટારિયોની કોલેજામાં આંતરરાષ્ટ્રીય વિદ્યાર્થીઓની વસ્તીનો મોટો હિસ્સો ધરાવે છે અને તેઓ ટ્યુશન ફીનો પ્રાથમિક સ્ત્રોત છે. તેમની નોંધણીમાં ઘટાડાએ કોલેજાના બજેટમાં નોંધપાત્ર ખાધ પેદા કરી છે.ઓપીએસઇયુના પ્રમુખ જેપી હોર્નિકના જણાવ્યા અનુસાર, “આંતરરાષ્ટ્રીય વિદ્યાર્થીઓની ઘટતી સંખ્યાએ કોલેજ કર્મચારીઓ પર ખૂબ જ ખરાબ અસર કરી છે.” આ સ્થિતિનો સામનો કરવા માટે, કોલેજાએ અભ્યાસક્રમો ઘટાડવા, કાર્યક્રમો રદ્દ કરવા અને કર્મચારીઓની છટણી કરવાના કડક પગલાં લીધાં છે. પ્રાંતીય ભંડોળ પહેલેથી જ મર્યાદિત હતું, અને આ નવી નીતિએ કોલેજાની નાણાકીય સ્થિતિને વધુ ખરાબ કરી છે.
આ નાણાકીય સંકટને કારણે કોલેજાને કઠોર નિર્ણયો લેવાની ફરજ પડી છે.ઓપીએસઇયુના ડેટા અનુસાર, જૂન ૨૦૨૫ સુધીમાં ૧૯ કોલેજાએ ૮,૦૦૦ થી વધુ કર્મચારીઓની છટણીની જાણ કરી હતી, અને આ સંખ્યા ૧૦,૦૦૦ સુધી પહોંચવાની શક્યતા છે. વધુમાં, ૬૦૦ થી વધુ અભ્યાસક્રમો રદ અથવા સ્થગિત કરવામાં આવ્યા છે, જેમાંથી ઘણા આંતરરાષ્ટ્રીય વિદ્યાર્થીઓમાં ખૂબ લોકપ્રિય હતા. જેપી હોર્નિકે ટોરોન્ટોમાં
સેન્ટેનિયલ કોલેજના સ્ટોરી આર્ટ્સ સેન્ટર કેમ્પસ ખાતે યોજાયેલી પ્રેસ કોન્ફરન્સમાં જણાવ્યું હતું કે, “આ ઓન્ટારિયોના ઇતિહાસમાં સૌથી મોટી સામૂહિક છટણીઓમાંની એક છે, જે હડસન બેની ૮,૦૦૦ કર્મચારીઓની છટણી કરતાં પણ વધુ છે.” આ કટોકટી એવા સમયે વધુ ગંભીર બની છે જ્યારે ઘણી જાહેર કોલેજાએ આંતરરાષ્ટ્રીય વિદ્યાર્થીઓની નોંધણી વધારવા માટે ખાનગી સંસ્થાઓ સાથે ભાગીદારી કરી હતી. આ ખાનગી સંસ્થાઓ ભારતીય વિદ્યાર્થીઓ પર ભારે નિર્ભર હતી, અને નવી ફેડરલ નીતિને કારણે તેમની પણ આર્થિક સ્થિતિ ખરાબ થઈ છે.
