ભારતીય ક્રિકેટ ટીમનો ઘરઆંગણે સંઘર્ષ ચાલુ છે, અને ટીમ એક વર્ષમાં બીજી વખત ઘરઆંગણે ક્લીન સ્વીપ થઈ છે. ગુવાહાટી ટેસ્ટમાં ભારતને દક્ષિણ આફ્રિકા સામે ૪૦૮ રનથી મોટી હારનો સામનો કરવો પડ્યો. ટેસ્ટમાં રનની દ્રષ્ટિએ આ ભારતનો સૌથી મોટો પરાજય છે. ગયા વર્ષે ન્યુઝીલેન્ડે ભારતને ઘરઆંગણે ૦-૩થી હરાવ્યું હતું, અને હવે દક્ષિણ આફ્રિકાએ પણ ભારતને ૦-૨થી ક્લીન સ્વીપ કર્યું છે.દક્ષિણ આફ્રિકાએ ૫૪૯ રનનો લક્ષ્યાંક આપ્યો હતો. વર્લ્ડ ટેસ્ટ ચેમ્પીયન્સે બીજી ઇનિંગમાં ભારતને ૧૪૦ રનમાં ઓલઆઉટ કરી દીધું હતું અને ૪૦૮ રનથી જીત મેળવી હતી. ટેસ્ટ ક્રિકેટમાં અને ઘરઆંગણે રન માર્જિનથી આ ભારતનો સૌથી મોટો પરાજય છે. અગાઉનો પરાજય ઓસ્ટ્રેલિયા સામે ૨૦૦૪માં નાગપુરમાં ૩૪૨ રનથી થયો હતો. આ પરાજયથી વર્લ્ડ ટેસ્ટ ચેમ્પીયનશિપ પોઈન્ટ ટેબલ પર પણ અસર પડી છે. આ કારમી હારથી ભારતને મોટો ફટકો પડ્યો છે, જેના કારણે તે ઉ્ઝ્ર પોઈન્ટ ટેબલમાં પાકિસ્તાનથી નીચે ધકેલાઈ ગયું છે. ભારતીય ટીમ હવે પાંચમા સ્થાને સરકી ગઈ છે, પાકિસ્તાન હાલમાં તેનાથી ઉપર છે. ભારતે નવમાંથી ચાર ટેસ્ટ મેચ હારી છે, જ્યારે તે જ નંબર જીતી છે. તેણે એક મેચ ડ્રો કરી છે અને ૫૨ પોઈન્ટ અને ૪૮.૧૫ પીસીટી સાથે પાંચમા સ્થાને છે.મુખ્ય કોચ ગૌતમ ગંભીરના માર્ગદર્શન હેઠળ, ભારતે અત્યાર સુધીમાં કુલ છ ટેસ્ટ શ્રેણી રમી છે. આમાંથી ચાર ઘરેલુ અને બે વિદેશમાં રમાઈ હતી. ગંભીરના કાર્યકાળ દરમિયાન ભારતે છ ટેસ્ટ શ્રેણીમાંથી બે જીતી છે, જ્યારે ચાર હારી ગયું છે. ગયા વર્ષે ઘરઆંગણે ટીમના પ્રદર્શનની વાત કરીએ તો, ભારતે ન્યુઝીલેન્ડ સામે ત્રણેય મેચ હારી હતી, પરંતુ બે મેચમાં વેસ્ટ ઇન્ડીઝને હરાવ્યું હતું. જાકે, હવે તે દક્ષિણ આફ્રિકા સામે બંને ટેસ્ટ હારી ગયું છે. આમ, ભારતે ઘરેલુ મેદાન પર રમાયેલી છેલ્લી સાત ટેસ્ટ મેચમાંથી પાંચ હારી છે અને બે જીતી છે.ગયા વર્ષે ઓક્ટોબરમાં ભારતનો પ્રવાસ કરનારી ન્યુઝીલેન્ડની ટીમે યજમાન ટીમને ત્રણ ટેસ્ટ શ્રેણીમાં ક્લીન સ્વીપ કરી દીધી હતી. બેંગ્લોરમાં રમાયેલી પહેલી મેચમાં ન્યુઝીલેન્ડે આઠ વિકેટથી જીત મેળવી હતી. ત્યારબાદ, પુણેમાં રમાયેલી બીજી મેચમાં પણ ટીમ યુકતીને ૧૧૩ રનથી કારમી હારનો સામનો કરવો પડ્યો હતો. ત્રીજી મેચમાં ભારતીય ટીમે ન્યુઝીલેન્ડને ૨૫ રનથી હરાવીને શ્રેણી ૦-૩થી જીતી હતી.એક વર્ષ કરતા પણ ઓછા સમયમાં ટીમ યુકતીનો ઘરઆંગણે બીજા સિરીઝ પરાજય છે. કોલકાતામાં દક્ષિણ આફ્રિકા સામેની પહેલી મેચમાં ભારત ૩૦ રનથી હારી ગયું હતું. હવે, ગુવાહાટીમાં પણ ભારત હારી ગયું. આ મેચમાં, ટીમની બેટિંગ વિનાશક હતી, અને તેઓ ફોલો-ઓન પણ ટાળી શક્્યા નહીં. તેમને ૨૮૯ રન બનાવવાના હતા, પરંતુ તે શક્્ય નહોતું. જાકે, દક્ષિણ આફ્રિકાના કેપ્ટન ટેમ્બા બાવુમાએ ફોલો-ઓન લાગુ ન કરવાનો નિર્ણય લીધો અને તેના બદલે ભારતને ફરીથી બેટિંગ કરવાનું કહ્યું. આમ દક્ષિણ આફ્રિકાએ પ્રથમ ઇનિંગમાં ૨૮૮ રનની લીડ મેળવી અને પછી ભારતની બીજી ઇનિંગ ઝડપથી સમેટી લીધી અને મોટી જીત નોંધાવી.
