રશિયન રાષ્ટ્રપતિ વ્લાદિમીર પુતિને ગ્રાન્ડ ક્રેમલિન પેલેસના સેન્ટ એલેક્ઝાન્ડર હોલમાં નવા વિદેશી રાજદૂતો માટે ઓળખપત્રો પ્રાપ્ત કરવા માટેના સમારોહમાં એક મજબૂત સંદેશ આપ્યો. તેમણે કહ્યું કે વૈશ્વિકપરિસ્થિતિ ઝડપથી બગડી રહી છે અને વિશ્વ ખૂબ જ ખતરનાક વળાંક પર પહોંચી ગયું છે. વેનેઝુએલા સામે અમેરિકાની કાર્યવાહી અને ટ્રમ્પ દ્વારા ઈરાનને સતત ધમકીઓ આપ્યા બાદ પુતિનનો આ સંદેશ આવ્યો છે. જાકે તેમણે અમેરિકા કે ટ્રમ્પનું નામ લીધું ન હતું, પરંતુ તેમણે ગર્ભિત રીતે બંને પર નિશાન સાધ્યું હતું.
પુતિને કહ્યું કે ઘણા દેશોની સાર્વભૌમત્વ પર સતત અતિક્રમણ થઈ રહ્યું છે. આ નિવેદન વેનેઝુએલા સામે અમેરિકાની તાજેતરની જબરદસ્ત કાર્યવાહી અને ઈરાનમાં ગેરકાયદેસર દખલગીરીનો ઉલ્લેખ કરે છે. પુતિને આરોપ લગાવ્યો કે ડઝનબંધ દેશો તેમની સાર્વભૌમત્વ, અરાજકતા અને કાયદાનું ઉલ્લંઘનનો સામનો કરી રહ્યા છે. પોતાના ભાષણમાં, પુતિને કહ્યું, “આંતરરાષ્ટ્રીય મંચ પર પરિસ્થિતિ ઝડપથી બગડી રહી છે. આ અંગે કોઈ ચર્ચા થઈ શકે નહીં. લાંબા સમયથી ચાલતા સંઘર્ષો તીવ્ર બની રહ્યા છે, અને નવા ગંભીર સંઘર્ષ ક્ષેત્રો ઉભરી રહ્યા છે.” તેમણે ભારપૂર્વક જણાવ્યું કે ઘણા દેશો તેમની સાર્વભૌમત્વ પર અતિક્રમણનો સામનો કરી રહ્યા છે, જે વૈશ્વિક સ્તરે સહકાર કરવાની ક્ષમતાને અસર કરી રહ્યા છે.
પુતિને આંતરરાષ્ટીય સહયોગ વધારવાની હિમાયત કરતા કહ્યું કે શાંતિ માટે પ્રયાસો, જવાબદારી અને સભાન પસંદગીઓ જરૂરી છે. આ નિવેદન એવા સમયે આવ્યું છે જ્યારે રશિયા યુક્રેન યુદ્ધમાં પોતાની Âસ્થતિ મજબૂત કરવાનો દાવો કરી રહ્યું છે. પુતિને યુક્રેનમાં રશિયાના ધ્યેયોનો પુનરોચ્ચાર કર્યો અને કહ્યું કે તેઓ આગળ વધતા રહેશે. જાકે તેમણે સીધા અમેરિકા કે ટ્રમ્પ વહીવટીતંત્રનું નામ લીધું નથી, તેમણે પરોક્ષ રીતે પશ્ચિમી નીતિઓ પર હુમલો કર્યો.
પુતિને બ્રાઝિલ જેવા બ્રિકસ દેશો સાથે મળીને બહુપક્ષીય વિશ્વ વ્યવસ્થા બનાવવા પર ભાર મૂક્્યો, જ્યાં રશિયા અને બ્રાઝિલ “માત્ર બહુધ્રુવીય વિશ્વ વ્યવસ્થા” ને સમર્થન આપે છે. પશ્ચિમી વિશ્લેષકોએ પુતિનના નિવેદનને “અગાઉના ભાષણોનું પુનરાવર્તન” ગણાવ્યું. તેમણે કહ્યું કે યુક્રેન યુદ્ધ નાટોના પૂર્વ તરફના વિસ્તરણને કારણે શરૂ થયું હતું અને શાંતિ માટે નવા “સુરક્ષા માળખા” પર વાટાઘાટો જરૂરી છે. રશિયા યુક્રેનમાં તેની લશ્કરી કાર્યવાહીને “ખાસ લશ્કરી કાર્યવાહી” કહી રહ્યું છે, જ્યારે આંતરરાષ્ટીય સમુદાય તેને આક્રમકતા માને છે. આ નિવેદન વૈશ્વિક તણાવ વચ્ચે આવ્યું છે. તેને ઈરાનમાં વિરોધ પ્રદર્શન, બગડેલા યુએસ-રશિયા સંબંધો અને યુક્રેનમાં ચાલી રહેલા યુદ્ધના સંદર્ભમાં જાવામાં આવી રહ્યું છે.
પુતિને કહ્યું કે વિશ્વએ “જંગલ કાયદો” અપનાવવો જાઈએ નહીં અને સમસ્યાઓ ફક્ત સહકાર દ્વારા જ ઉકેલી શકાય છે. રશિયન મીડિયાએ આને “વૈશ્વિક સહયોગ માટે હાકલ” તરીકે વર્ણવ્યું, જ્યારે પશ્ચિમી મીડિયાએ તેને “જૂની બકવાસ” તરીકે ફગાવી દીધી. પુતિનના નિવેદન બાદ, વિશ્વ વર્તમાન વૈશ્વિક પરિસ્થિતિ પર નજીકથી નજર રાખી રહ્યું છે.
