સંયુક્ત રાષ્ટ્ર એ પાકિસ્તાન અને અફઘાનિસ્તાન વચ્ચેના સંઘર્ષ પર ઊંડી ચિંતા વ્યક્ત કરી છે. બંને દેશો વચ્ચે હિંસામાં ઝડપથી વધારો થવાને કારણે યુએન સેક્રેટરી-જનરલ એન્ટોનિયો ગુટેરેસે તાત્કાલિક દુશ્મનાવટનો અંત લાવવાની અપીલ કરી છે. યુએનના વડા “અફઘાનિસ્તાન અને પાકિસ્તાન વચ્ચે વધતી જતી હિંસા અને આ હિંસાના નાગરિક વસ્તી પર પડી રહેલા પ્રભાવ અંગે ઊંડી ચિંતિત છે.” શુક્રવારે દૈનિક પ્રેસ બ્રીફિંગમાં સેક્રેટરી-જનરલના પ્રવક્તા, સ્ટીફન ડુજારિકે જણાવ્યું હતું કે તેમણે દુશ્મનાવટ તાત્કાલિક બંધ કરવા અને કોઈપણ મતભેદોને રાજદ્વારી દ્વારા ઉકેલવા માટે તેમની અપીલનો પુનરોચ્ચાર કર્યો હતો.
ડુજારિકે વધુમાં જણાવ્યું હતું કે યુએન માનવતાવાદી અધિકારીઓ અફઘાનિસ્તાનમાં હુમલાઓની અસર અંગે ચિંતિત છે, જેમાં પૂર્વી અફઘાનિસ્તાનમાં તોરખામ બોર્ડર ક્રોસિંગ પર ટ્રાન્ઝટ અને રિસેપ્શન સેન્ટર પર થયેલી ઘટનાનો સમાવેશ થાય છે. યુએનએ જણાવ્યું હતું કે, “અમે સંઘર્ષના તમામ પક્ષોને આંતરરાષ્ટ્રીય માનવતાવાદી કાયદા હેઠળ તેમની જવાબદારીઓ નિભાવવા માટે અપીલ કરીએ છીએ. અમે તમામ પક્ષોને અપીલ કરીએ છીએ કે તેઓ હંમેશા નાગરિકોની સલામતી સુનિશ્ચિત કરે અને નાગરિક માળખાગત સુવિધાઓનું રક્ષણ કરે.” યુએન માનવતાવાદી અધિકારીઓએ નોંધ્યું હતું કે વર્ષોથી ચાલી રહેલા સંઘર્ષ, ગરીબી અને દુષ્કાળ અને ભૂકંપ જેવી કુદરતી આફતોએ લગભગ અડધી વસ્તી, અથવા આશરે ૨.૨ અબજ લોકોને વિસ્થાપિત કર્યા છે. લાખો પુરુષો, સ્ત્રી ઓ અને બાળકોને માનવતાવાદી સહાયની જરૂર પડી છે.
યુએનએ જણાવ્યું હતું કે જા લડાઈ ચાલુ રહેશે અથવા વધશે, તો બંને પક્ષે જાનહાનિ વધુ વધશે. યુએન, તેના માનવતાવાદી ભાગીદારો સાથે, આ વિકાસ પર નજીકથી નજર રાખી રહ્યું છે અને શક્્ય હોય ત્યાં સહાય પૂરી પાડવાનું ચાલુ રાખશે. તેમણે જણાવ્યું હતું કે યુએન માનવતાવાદી અધિકારીઓને તેમની પ્રવૃત્તિઓ માટે વધુ ભંડોળની જરૂર છે અને અહેવાલ આપ્યો છે કે આ વર્ષની માનવતાવાદી જરૂરિયાતો અને પ્રતિભાવ યોજના માટે જરૂરી ૧.૭ બિલિયનમાંથી માત્ર ૧૧ ટકા, અથવા ૧૮૧ મિલિયન, પ્રાપ્ત થયા છે. અગાઉના નિવેદનમાં, સેક્રેટરી-જનરલએ કહ્યું હતું કે તેઓ અફઘાનિસ્તાનમાં વાસ્તવિક સુરક્ષા દળો અને પાકિસ્તાની સુરક્ષા દળો વચ્ચે સરહદ પાર અથડામણના “ચિંતા” અહેવાલો પર ધ્યાન આપી રહ્યા છે.
ગુટેરેસે સંબંધિત પક્ષોને આંતરરાષ્ટ્રીય કાયદા અને માનવતાવાદી કાયદા હેઠળ તેમની જવાબદારીઓ નિભાવવા અને નાગરિકોનું રક્ષણ સુનિશ્ચિત કરવા વિનંતી કરી. તાજેતરના મહિનાઓમાં ઘણા સભ્ય દેશો દ્વારા મધ્યસ્થી પ્રયાસોની પ્રશંસા કરતા, સેક્રેટરી-જનરલે પક્ષોને રાજદ્વારી દ્વારા તેમના મતભેદો ઉકેલવા વિનંતી કરી. અમે યુએનને શાંતિપૂર્ણ માધ્યમથી મુદ્દાને ઉકેલવા માટે પ્રયાસો ચાલુ રાખવા વિનંતી કરીએ છીએ. પાકિસ્તાન દ્વારા “અફઘાનિસ્તાન સાથે ખુલ્લા યુદ્ધ” ની ઘોષણા અંગેના પ્રશ્નના જવાબમાં, દુજારિકે કહ્યું કે કાબુલમાં યુએન પોલિટિકલ મિશન પરિસ્થિતિ પર નજીકથી નજર રાખી રહ્યું છે, હિસ્સેદારો સાથે સંપર્કમાં છે અને વિવિધ આઉટરીચ પ્રયાસો કરી રહ્યું છે.
