કોંગ્રેસે મંગળવારે દાવો કર્યો કે જગદીપ ધનખરેના ઉપરાષ્ટ્રીયપતિ પદ પરથી રાજીનામા પાછળ ઘણા ગંભીર કારણો છે. આ તેમના દ્વારા આપવામાં આવેલા સ્વાસ્થ્ય કારણો કરતાં વધુ ગંભીર હોઈ શકે છે. પાર્ટીએ કહ્યું કે તેમનું રાજીનામું તેમના વિશે સારી વાતો કહે છે, પરંતુ તેમને આ પદ માટે પસંદ કરનારાઓને પણ ખુલ્લા પાડે છે.
કોંગ્રેસના મહાસચિવ (સંચાર પ્રભારી) જયરામ રમેશે ‘એકસ’ પર હિન્દીમાં લખ્યું, ‘ગઈકાલે બપોરે ૧૨:૩૦ વાગ્યે, જગદીપ ધનખરે રાજ્યસભાની વ્યાપાર સલાહકાર સમિતિની અધ્યક્ષતા કરી હતી. ગૃહના નેતા જેપી નડ્ડા અને સંસદીય બાબતોના મંત્રી કિરેન રિજિજુ સહિત મોટાભાગના સભ્યો આ બેઠકમાં હાજર હતા. ટૂંકી ચર્ચા પછી, એવું નક્કી કરવામાં આવ્યું કે સમિતિની આગામી બેઠક ફરીથી ૪:૩૦ વાગ્યે યોજાશે. સાંજે ૪:૩૦ વાગ્યે, સમિતિના સભ્યો ધનખડની અધ્યક્ષતામાં બેઠક માટે ફરીથી ભેગા થયા. બધા નડ્ડા અને રિજિજુની રાહ જાતા રહ્યા, પરંતુ તેઓ આવ્યા નહીં.’
તેમણે આગળ લખ્યું, ‘સૌથી આશ્ચર્યજનક વાત એ હતી કે ધનખરને વ્યક્તિગત રીતે કહેવામાં આવ્યું ન હતું કે બંને મંત્રીઓ બેઠકમાં નહીં આવે. સ્વાભાવિક રીતે તેમને આ વાતનું ખરાબ લાગ્યું અને તેમણે બીએસીની આગામી બેઠક આજે બપોરે ૧ વાગ્યા સુધી મુલતવી રાખી.’
જયરામે લખ્યું, ‘એ સ્પષ્ટ છે કે ગઈકાલે બપોરે ૧ વાગ્યાથી ૪:૩૦ વાગ્યાની વચ્ચે કંઈક ગંભીર બન્યું હશે, જેના કારણે જેપી નડ્ડા અને કિરેન રિજિજુ જાણી જાઈને સાંજની બેઠકમાં હાજર રહ્યા ન હતા. હવે ખૂબ જ આઘાતજનક પગલું ભરતા, જગદીપ ધનખડે પોતાના પદ પરથી રાજીનામું આપી દીધું છે. તેમણે આનું કારણ તેમના સ્વાસ્થ્યને ગણાવ્યું છે. આપણે આનું સન્માન કરવું જાઈએ, પરંતુ સત્ય એ પણ છે કે આ પાછળ કેટલાક ઊંડા કારણો છે.’
તેમણે વધુમાં કહ્યું કે ધનખરે ૨૦૧૪ પછી હંમેશા ભારતની પ્રશંસા કરી હતી, પરંતુ તે જ સમયે ખેડૂતોના હિત માટે ખુલ્લેઆમ અવાજ ઉઠાવ્યો હતો. તેમણે જાહેર જીવનમાં વધતા ઘમંડની ટીકા કરી હતી અને ન્યાયતંત્રની જવાબદારી અને સંયમની જરૂરિયાત પર ભાર મૂક્યો હતો. વર્તમાન જી-૨’ સરકાર દરમિયાન પણ, તેમણે શક્ય હોય ત્યાં સુધી વિપક્ષને જગ્યા આપવાનો પ્રયાસ કર્યો હતો.
અંતે, જયરામ રમેશે કહ્યું કે તેઓ નિયમો, પ્રક્રિયાઓ અને શિષ્ટાચારના કડક પાલન કરતા હતા. તેમને લાગ્યું કે તેમની ભૂમિકામાં આ બાબતોને સતત અવગણવામાં આવી રહી છે. જગદીપ ધનખડનું રાજીનામું તેમના વિશે ઘણું બધું કહી જાય છે. તે એવા લોકોના ઇરાદા પર પણ ગંભીર પ્રશ્નો ઉભા કરે છે જેમણે તેમને ઉપરાષ્ટ્રીયપતિ પદ સુધી પહોંચાડ્યા હતા
