ધારી તાલુકાના ગીરકાંઠા એવા દલખાણીયા ગામે આવેલી એક નદીમાં મગરનો વસવાટ હોવાની ગ્રામજનોને જાણ થતા ગ્રામજનોમાં ભયનો માહોલ છવાયો હતો. આ બાબતે ગ્રામજનોએ તાત્કાલિક રેસ્ક્યુ વિભાગને જાણ કરતાં તેઓ પણ તાત્કાલિક સ્થળ પર દોડી આવ્યા હતા. દલખાણીયા ગામે આવેલી નદીમાં છેલ્લા ઘણા સમયથી મગરે વસવાટ કર્યો હોય તેમ મગરને ગ્રામજનોએ જોતા જ આ બાબતે અરવિંદભાઈ માલણીયાએ ફોરેસ્ટ વિભાગના રેસ્ક્યુની કામગીરી કરતા નાનુભાઈ બ્લોચને જાણ કરતા નાનુભાઈ બ્લોચ તાત્કાલિક સ્થળ પર દોડી આવ્યા હતા અને નદીનું નિરીક્ષણ કરી જણાવ્યું હતું કે નદીમાં જો મગરનો વસવાટ હોય તો નદીમાં કપડાં ધોતી વખતે કે સ્નાન કરતી વખતે સાવચેત રહેવું અને બાળકોને નદીથી દૂર રાખવા જેવી અનેક સૂચનાઓ ગ્રામજનોને આપી હતી.
