જે ખાદ્ય પદાર્થો અને ઇંધણ સસ્તા થવાને કારણે ૧૫ મહિનાના નીચલા સ્તરે પહોંચી ગયા
ભારતનો જથ્થાબંધ ફુગાવો જૂનમાં વાર્ષિક ધોરણે ૦.૧૩% થયો. ઓક્ટોબર ૨૦૨૩ પછી જથ્થાબંધ ફુગાવાનો આ સૌથી નીચો દર છે. આ સંબંધિત ડેટા સોમવારે સરકારે જાહેર કર્યો હતો. અગાઉ, મે મહિનામાં, જથ્થાબંધ ફુગાવાનો દર ૧૪ મહિનાના નીચલા સ્તરે ૦.૩૯% પર આવી ગયો હતો.
હાથ ધરવામાં આવેલા અર્થશાસ્ત્રીઓના સર્વેક્ષણમાં જૂનમાં જથ્થાબંધ ભાવ સૂચકાંક આધારિત ફુગાવો નજીવો વધીને ૦.૫૨% થવાનો અંદાજ હતો. ઉત્પાદિત ઉત્પાદનોમાં ફુગાવો, જે જથ્થાબંધ ફુગાવાના ૬૦% થી વધુ હિસ્સો ધરાવે છે, આ મહિને ૧.૯૭% રહ્યો. પ્રાથમિક માલસામાનમાં ફુગાવો જૂનમાં ૩.૩૮% રહ્યો. મે મહિનામાં તે ૨.૦૨% હતો.
આ દરમિયાન, ઇંધણ અને વીજળીના સંદર્ભમાં ફુગાવો પાછલા મહિનામાં ૨૨.૨૭% થી ઘટીને ૨.૬૫% થયો. અગાઉ, ભારતનો છૂટક ફુગાવો મે ૨૦૨૫ માં છ વર્ષના નીચલા સ્તરે ૨.૮૨% પર પહોંચી ગયો. એપ્રિલની તુલનામાં તેમાં ૩૪ બેસિસ પોઇન્ટનો ઘટાડો જાવા મળ્યો. આ આંકડો ફેબ્રુઆરી ૨૦૧૯ પછીનો સૌથી ઓછો વાર્ષિક ફુગાવાનો દર છે.
જથ્થાબંધ ફુગાવામાં ઘટાડો થવા વચ્ચે, જૂનમાં ખાદ્ય પદાર્થોના ભાવમાં સૌથી મોટો ઘટાડો જાવા મળ્યો. શાકભાજીનો ફુગાવો જૂનમાં ઘટીને ૨૨.૬૫% થયો, જે મે મહિનામાં ૨૧.૬૨% હતો. ડુંગળીનો ફુગાવો એક મહિના પહેલા ૧૪.૪૧% થી ઘટીને ૩૩.૪૯% થયો. તે જ સમયે, બટાકાનો ફુગાવો (-) ૩૨.૬૭% રહ્યો, જ્યારે મે મહિનામાં તે (-) ૨૯.૪૨% હતો. કઠોળના ભાવ (-) ૨૨.૬૫% રહ્યા, જ્યારે પાછલા મહિનામાં તે ૧૦.૪૧% હતો. તે જ સમયે, મે મહિનામાં અનાજનો ફુગાવો ૨.૫૬% નોંધાયો હતો, જે ઘટીને ૩.૭૫% થયો. આ ઉપરાંત, દેશમાં છૂટક ફુગાવો મે ૨૦૨૫ માં ૨.૮૨% ના છ વર્ષના નીચલા સ્તરે આવી ગયો.
ભારતીય રિઝર્વ બેંકની નાણાકીય નીતિ સમિતિએ તેની એપ્રિલની બેઠકમાં, ભાવ દબાણમાં સતત નરમાઈનો ઉલ્લેખ કર્યો હતો.એમપીસીએ મુખ્યત્વે ખાદ્ય પદાર્થોના ભાવમાં નરમાઈને આ માટે જવાબદાર ગણાવી હતી. તેણે નાણાકીય વર્ષ ૨૬ માં ફુગાવામાં વધુ નરમાઈનો અંદાજ લગાવ્યો હતો. ફુગાવામાં ઘટાડાને કારણે ગ્રાહકોને રાહત મળી છે.એમપીસીએ તેના નાણાકીય વર્ષ ૨૬ ફુગાવાના અનુમાનને સુધારીને ૪% કર્યો, જે તેના અગાઉના અંદાજ ૪.૨% થી નીચે છે. ત્રિમાસિક ગાળાના અંદાજા દર્શાવે છે કે નાણાકીય વર્ષ ૨૬ ના છેલ્લા ત્રિમાસિક ગાળામાં ફુગાવાનો સરેરાશ ૩.૬%, બીજા ત્રિમાસિક ગાળામાં ૩.૯%, ત્રીજા ત્રિમાસિક ગાળામાં ૩.૮% અને ૪.૪% રહેવાની ધારણા છે.
