(એ.આર.એલ),જયપુર,તા.૧૨
રાજસ્થાનના જયપુરમાં સામાજિક સમરસતાનું અનોખું ચિત્ર રજૂ કરવામાં આવ્યું છે. અહીં મુસ્લમ પરિવારોએ કટ્ટરવાદી માન્યતાઓને તોડીને કન્યા પૂજા કરી હતી. આ સાથે કન્યાઓને ભોજન અને દક્ષિણા પણ આપવામાં આવી હતી. આ દરમિયાન છોકરીઓ પણ તેમની માતાની ચુન્નીથી ઢંકાયેલી હતી. આ અનોખી કન્યા પૂજાની તસવીરો પણ સામે આવી છે.મહાઅષ્ટમીના દિવસે જયપુરમાં મુસ્લમ પરિવારોએ તેમની દીકરીઓને મા દુર્ગાનું સ્વરૂપ માનીને તેમની પૂજા કરી હતી. મામલો રાજધાનીના ખોહ-નાગોરિયન વિસ્તારનો છે. અહીં મુસ્લમ પરિવારોએ ગંગા-જામુની સંસ્કૃતિનું પ્રદર્શન કર્યું અને કટ્ટરવાદી માન્યતાઓની દીવાલ તોડીને પોતાના ઘરમાં છોકરીઓની પૂજા કરી. પૂજા બાદ કન્યાઓને ભોજન પીરસવામાં આવ્યું હતું. ભોજન દરમિયાન શક્ત સ્વરૂપા કન્યાઓને પણ માતાની ચુન્રીથી ઢાંકવામાં આવી હતી અને અંતે તેમને દક્ષિણા પણ આપવામાં આવી હતી.નવરાત્ર દરમિયાન લવ જેહાદના કિસ્સાઓને રોકવા માટે ગરબા પંડાલમાં અનેક નિયંત્રણો લાદવામાં આવ્યા હતા. પંડાલમાં માત્ર માતાના ભક્તોને જ પ્રવેશ આપવામાં આવી રહ્યો હતો. જા કે, કેટલાક કિસ્સા એવા પણ પ્રકાશમાં આવ્યા જ્યારે અન્ય ધર્મના યુવાનો તેમના નામ બદલીને પંડાલની અંદર ગયા. આવી જ એક ઘટના મધ્યપ્રદેશના ઈન્દોરમાં બની છે. અહીં એક યુવકે પોતાનું નામ અમન જણાવ્યું અને પંડાલની અંદર ગયો. જાકે, બાદમાં હિન્દુ સંગઠનોએ તેને પકડી લીધો હતો અને આધાર કાર્ડ ચેક કરતાં તેનું નામ આમિર ખાન હોવાનું જાણવા મળ્યું હતું.યુવક બાલાઘાટનો રહેવાસી હતો અને એક હિંદુ યુવતીને પોતાની સાથે લઈને ભાગી ગયો હતો. કહેવામાં આવી રહ્યું છે કે બંને આઠ વર્ષથી રિલેશનશિપમાં હતા. દાંડિયા રમતા યુવક અને યુવતીની તસવીરો પણ સામે આવી હતી. જા કે, જ્યારે પકડાયો, ત્યારે હિન્દુ સંગઠનોએ આરોપીને સખત માર માર્યો અને તેને પોલીસને હવાલે કર્યો.
