ગુજરાતનાં હવામાનમાં આજે સવારથી (૨૦ ફેબ્રુઆરી) પલટો આવ્યો છે. હવામાન વિભાગની આગાહી મુજબ, સુરત, અંકલેશ્વર, હાંસોટ, દાહોદ, ગોધરા, પંચમહાલ, વડોદરા અને અન્ય વિસ્તારોમાં કમોસમી વરસાદ પડ્યો છે. ભારે પવન સાથે વરસાદથી લગ્નમાં ભંગ પડ્યો છે.
આજે સવારે અંકલેશ્વર અને હાંસોટ પંથકમાં અચાનક હવામાન બદલાયું હતું. કમોસમી વરસાદથી સમગ્ર વિસ્તારમાં ઠંડક પ્રસરી ગઈ હતી. હાંસોટ તાલુકાના ઇલાવ, સાહોલ, બાલોતા, સુનેવ અને ઓભા સહિત અનેક ગામોમાં વરસાદ પડ્યો. આ કમોસમી વરસાદને કારણે ઉભા પાકને નુકસાન થવાની શક્્યતા ખેડૂતોમાં છે. હવામાનમાં આ અચાનક પલટાથી લોકોના સામાન્ય જીવન પર પણ અસર પડી છે.
આજે સવારે છોટા ઉદેપુર જિલ્લાના સંખેડા પંથકમાં અચાનક હવામાનમાં પલટો આવ્યો હતો. વહેલી સવારે કમોસમી વરસાદ શરૂ થયો હતો.આ કમોસમી વરસાદ કપાસના ખેડૂતો માટે ચિંતાનું કારણ બન્યો છે. વહેલી સવારથી વડોદરાના વાતાવરણમાં પલટો આવી રહ્યો છે.
સુરત શહેરમાં સવારથી પડી રહેલા વરસાદે મહાનગરપાલિકાની ચિંતા વધારી દીધી છે. ખાસ કરીને, મહાનગરપાલિકાના ‘પુસ્તક મેળા’માં મુખ્યમંત્રીની મુલાકાત માટે તૈયાર કરાયેલ ગુંબજ વરસાદી પાણીથી ભીંજાઈ ગયો હતો, જેના કારણે ભીડ જાવા મળી હતી. પરિસ્થિતિને કાબુમાં લેવા અને કાર્યક્રમમાં વિક્ષેપ ન પડે તે માટે, વહીવટીતંત્રે વહેલી સવારે ટ્રકોમાં ભરેલા તાડપત્રીનો ઓર્ડર આપ્યો હતો જેથી ભીના ગુંબજને સુરક્ષિત રાખી શકાય અને કાર્યક્રમ સરળતાથી આગળ વધી શકે.
સવારથી પડેલા કમોસમી વરસાદથી સુરત શહેરમાં સમગ્ર વાતાવરણ બદલાઈ ગયું છે. અચાનક પડેલા આ ધોધમાર વરસાદથી શહેરના મુખ્ય રસ્તાઓ અને નીચાણવાળા વિસ્તારોમાં પાણી ભરાઈ ગયા છે, જેના કારણે રસ્તાઓ પર પાણી ભરાઈ ગયા છે. વહેલી સવારે થયેલા વરસાદથી વાહનચાલકો અને કામ માટે બહાર જતા લોકોને મુશ્કેલી પડી રહી છે અને રસ્તાઓ પાણીથી ભરાઈ ગયા છે.
હવામાન વિભાગના જણાવ્યા અનુસાર,રાજ્યમાં હાલમાં ત્રણ સિસ્ટમ્સ સક્રિય છે, વેસ્ટર્ન ડિસ્ટર્બન્સ, સાયક્લોનિક સર્ક્યુલેશન અને ટ્રફ, તેથી કેટલાક વિસ્તારોમાં વરસાદ પડશે અને કેટલાકમાં વાદળછાયું વાતાવરણ રહેશે. આગામી થોડા દિવસોમાં લગભગ ૩૦ થી ૪૦ કિમી પ્રતિ કલાકની ઝડપે પવન ફૂંકાઈ શકે છે. ઉત્તર પશ્ચિમ દિશાના પવનો પણ સામાન્ય કરતા વધુ રહેવાની ધારણા છે. ૨૪ ફેબ્રુઆરીએ રાજ્ય મોટાભાગે શુષ્ક રહેવાની ધારણા છે. આગામી બે દિવસમાં લઘુત્તમ તાપમાન ધીમે ધીમે ૨ થી ૩ ડિગ્રી વધી શકે છે.
હવામાન વિભાગે આગાહીમાં ટેકનોલોજીકલ સુધારા કર્યા છે. નવી મલ્ટી-હેઝાર્ડ અર્લી વો‹નગ ડિસિઝન સિસ્ટમ હવે વધુ સચોટ હવામાન માહિતી પ્રદાન કરશે. આ નવી સિસ્ટમના અમલીકરણ સાથે, જિલ્લા અને રાજ્યની સીમાઓમાં સચોટ આગાહી શક્્ય બની છે. હવેથી, હવાની ગુણવત્તા, ચક્રવાત, કરા વગેરે સહિત વિવિધ કુદરતી જાખમો વિશે વિગતવાર અને સમયસર માહિતી સિસ્ટમ દ્વારા ઉપલબ્ધ થશે. ગુરુવાર સવારથી જ વલસાડ શહેરના મુખ્ય રસ્તાઓ, રાજ્ય ધોરીમાર્ગો અને ખાસ કરીને રાષ્ટ્રીય ધોરીમાર્ગ નંબર ૪૮ પર ગાઢ ધુમ્મસ છવાયું હતું.
