બોલીવુડ ફિલ્મ નિર્માતા ફરાહ ખાન તેના રસોઈયા દિલીપ સાથે બીજા રસોઈ વ્લોગ સાથે પાછી આવી છે. આ વખતે ફિલ્મ નિર્માતા ડાન્સ કોરિયોગ્રાફર ધનશ્રી વર્માના ઘરે ગયા અને તેમની સફર અને છૂટાછેડા વિશે વાત કરી. ઉપરાંત, ફરાહે ધનશ્રી સાથે ક્રિકેટર યુઝવેન્દ્ર ચહલથી છૂટાછેડા અને તેના પરિવાર સાથેની વાતચીત વિશે ચર્ચા કરી. પરંતુ, આ વાતચીત દરમિયાન, જ્યારે ધનશ્રીએ તેના પહેલા લગ્ન તૂટ્યા પછી ફરીથી પ્રેમ શોધવાની વાત કરી, ત્યારે ફરાહ આશ્ચર્યચકિત થઈ ગઈ.
ફરાહએ ધનશ્રીના મુંબઈના ઘરની મુલાકાત લીધી, જ્યાં એક શાનદાર બાર અને રેકો‹ડગ સ્ટુડિયો પણ જોવા મળ્યો. ધનશ્રીના રૂમના કોરિડોરમાં એક દિવાલ પણ જોવા મળી, જેણે ફરાહનું ધ્યાન ખેંચ્યું, જે સુંદર ચિત્રોથી શણગારેલી હતી. ધનશ્રીએ જણાવ્યું કે આ ચિત્રો તેની દાદીએ પાર્કિન્સન રોગથી પીડાતી વખતે બનાવ્યા હતા. ફરાહે ચિત્રોની પ્રશંસા કરી અને કહ્યું કે આ શ્રેષ્ઠ સ્થળ છે. જાકે, તેને દિવાલ પરના બધા ચિત્રો ગમ્યા, પરંતુ જે ચિત્રે તેનું દિલ જીતી લીધું તે એક હતું જેમાં બે લવબર્ડ્સ એક ઝાડની ડાળી પર સાથે બેઠા હતા. તેના વિશે વાત કરતાં, ફરાહે કહ્યું, ‘આ મારું પ્રિય છે.’
ચિત્રોમાં દેખાતા પ્રેમપક્ષીઓ વિશે વાત કરતાં, ધનશ્રીએ તેનો અર્થ સમજાવ્યો અને કહ્યું, ‘પ્રેમના પક્ષીઓ. હું પ્રેમ વ્યક્ત કરી રહી છું.’ ધનશ્રીના શબ્દો સાંભળીને ફરાહ આશ્ચર્યચકિત થઈ જાય છે અને તેને ગળે લગાવે છે અને જવાબ આપે છે, ‘ફરીથી? ખૂબ જ બહાદુરીથી.’ આના પર, ધનશ્રી કહે છે કે પ્રેમને જીવનમાં બીજા મોકો મળવો જોઈએ. અગાઉ પણ હ્યુમન્સ ઓફ બોમ્બે સાથેના એક ઇન્ટરવ્યુમાં, ધનશ્રીએ ફરીથી પ્રેમ શોધવા વિશે વાત કરી હતી અને ખુલાસો કર્યો હતો કે ભૂતપૂર્વ પતિ યુઝવેન્દ્ર ચહલથી છૂટાછેડા છતાં, તે હજી પણ પ્રેમમાં માને છે.
ધનશ્રી અને ચહલના માર્ચ ૨૦૨૫ માં છૂટાછેડા થયા. ત્યારથી ચહલનું નામ આરજે મહવશ સાથે જોડાયું છે કારણ કે તેઓ ઘણીવાર સાથે દેખાય છે અને સોશિયલ મીડિયા પર એકબીજા માટે પોસ્ટ કરે છે. જો કે, બંનેએ વારંવાર એકબીજાને ફક્ત મિત્રો તરીકે વર્ણવ્યા છે.
ધનશ્રી આગામી સમયમાં અશ્નીર ગ્રોવરના આગામી રિયાલિટી શો ‘રાઇઝ એન્ડ ફોલ’માં જોવા મળશે. આ શોમાં નયનદીપ રક્ષિત, અર્જુન બિજલાની, કુબ્રા સૈત અને કીકુ શારદા પણ સત્તા માટે એક અનોખા સંઘર્ષમાં છે. બનજય એશિયા દ્વારા નિર્મિત, આ શો ૬ સપ્ટેમ્બરના રોજ એમેઝોન એમએક્સ પ્લેયર પર પ્રીમિયર થશે. આ ઉપરાંત, તે દિલ રાજુ દ્વારા નિર્દેશિત તેલુગુ ડાન્સ ડ્રામા ફિલ્મ ‘આકાસમ દાતી વાસ્તવ’ સાથે પણ ડેબ્યૂ કરશે. આ ફિલ્મ આ વર્ષે ઓક્ટોબરમાં સિનેમાઘરોમાં રિલીઝ થઈ શકે છે.
