મુખ્ય કોલસા વેપારીઓ અને કથિત કોલસા માફિયાઓ સામે ઈડી ની મોટી કાર્યવાહી ચાલી રહી છે. એન્ફોર્સમેન્ટ ડિરેક્ટોરેટ (ઈડી) એ ઝારખંડ અને પશ્ચિમ બંગાળમાં ૪૦ થી વધુ સ્થળોએ દરોડા પાડીને એક મોટું સર્ચ ઓપરેશન શરૂ કર્યું છે.એજન્સી મુખ્ય કોલસા વેપારીઓ અને કથિત કોલસા માફિયાઓને નિશાન બનાવી રહી છે. કોલસા કૌભાંડના સંબંધમાં અગાઉ દિલ્હી બોલાવવામાં આવેલા અગ્રણી કોલસા વેપારી નરેન્દ્ર ખડકાના એકે બ્લોક નિવાસસ્થાન પર શોધખોળ ચાલી રહી છે. ઈડી એક સાથે કોલસાના વેપારીઓ અને કોલસા માફિયાઓ સાથે જાડાયેલા અનેક ઘરો અને ઓફિસો પર દરોડા પાડી રહ્યું છે.રાંચી સ્થિતિ ઈડી ટીમે ઝારખંડમાં ૧૮ સ્થળોએ દરોડા પાડ્યા હતા. આ કાર્યવાહી કોલસા ચોરી અને દાણચોરી સંબંધિત અનેક મોટા કેસ પર આધારિત છે. તપાસ હેઠળના કેસોમાં અનિલ ગોયલ, સંજય ઉદ્યોગ, એલ.બી. સિંહ અને અમર મંડલનો સમાવેશ થાય છે. આ કેસોમાં મોટા પાયે કોલસા ચોરી અને સરકારી મહેસૂલને કરોડો રૂપિયાનું નુકસાન થયું હોવાનું બહાર આવ્યું છે.એક સાથે, ઈડીની બીજી ટીમે પશ્ચિમ બંગાળના દુર્ગાપુર, પુરુલિયા, હાવડા અને કોલકાતા જિલ્લામાં ૨૪ સ્થળોએ દરોડા પાડ્યા. આ દરોડા ગેરકાયદેસર કોલસા ખાણકામ, ગેરકાયદેસર પરિવહન અને કોલસાના ગેરકાયદેસર સંગ્રહના કેસ સાથે સંબંધિત છે. જેમના પરિસરમાં દરોડા પાડવામાં આવી રહ્યા છે તેમાં નરેન્દ્ર ખડકા, અનિલ ગોયલ, યુધિષ્ઠિર ઘોષ, કૃષ્ણ મુરારી કાયલ અને અન્ય ઘણા લોકોનો સમાવેશ થાય છે. ઈડ્ઢની આ સંયુક્ત કાર્યવાહીને કોલસા માફિયા નેટવર્ક માટે મોટો ફટકો માનવામાં આવે છે. તપાસ એજન્સીના જણાવ્યા અનુસાર, આગામી દિવસોમાં આ કેસમાં વધુ ખુલાસા થઈ શકે છે. એ નોંધનીય છે કે ભૂતકાળમાં કોલસાના વેપારમાં અનિયમિતતાના અસંખ્ય કિસ્સાઓ નોંધાયા છે.
