મુખ્યમંત્રી દેવેન્દ્ર ફડણવીસે બોલાવેલી મહત્વપૂર્ણ બેઠકમાં નાયબ મુખ્યમંત્રી એકનાથ શિંદે ગેરહાજર રહ્યા હતા. જેના કારણે રાજકીય વર્તુળોમાં ગરમાગરમ ચર્ચાઓ શરૂ થઈ ગઈ. આ પહેલા પણ, રાજ્યના નાયબ મુખ્યમંત્રી એકનાથ શિંદે બે કેબિનેટ બેઠકોમાં હાજરી આપી ન હતી અને એક કેબિનેટ બેઠક પહેલા, તેમણે તેમના મંત્રીઓની બેઠક યોજી હતી.
આ બધાથી એવી અટકળો વહેતી થઈ છે કે શિંદે નાખુશ છે અને તેમને કેબિનેટમાં સામેલ ન કરવા જેવી તાજેતરની ઘટનાઓએ આ અફવાઓને વેગ આપ્યો છે. ૧૨ ફેબ્રુઆરીના રોજ, મુખ્યમંત્રી દેવેન્દ્ર ફડણવીસે સહ્યાદ્રી ગેસ્ટ હાઉસ ખાતે પુણે, નાસિક, નાગપુર અને છત્રપતિ સંભાજીનગરના મેટ્રોપોલિટન વિકાસ સત્તામંડળોની ચર્ચા કરવા માટે એક બેઠક બોલાવી હતી. શિંદે શહેરી વિકાસ વિભાગના વડા હોવાથી, બેઠકમાં તેમની હાજરી અપેક્ષિત હતી. જાકે, સભામાં હાજરી આપવાને બદલે તેમણે થાણે મલંગગઢ ઉત્સવમાં ભાગ લેવાનું પસંદ કર્યું.
રસપ્રદ વાત એ છે કે, આ બેઠક તેમના સત્તાવાર સમયપત્રકમાં પણ સૂચિબદ્ધ હતી. મુખ્યમંત્રી કાર્યાલયના જણાવ્યા અનુસાર, આ બેઠક શિંદેના વિભાગ સાથે સંબંધિત હતી, પરંતુ તેમણે તેમને અગાઉથી જાણ કરી દીધી હતી કે તેઓ પૂર્વનિર્ધારિત કામને કારણે તેમાં હાજરી આપી શકશે નહીં.
આ બધા વચ્ચે મોટો પ્રશ્ન એ છે કે શિંદેના અસંતોષ પાછળનું કારણ શું છે? પહેલું કારણ તેમની મુખ્યમંત્રી તરીકે નિમણૂક ન થવી છે. બીજું કારણ એ છે કે તેમને ગૃહ મંત્રાલયનો પોર્ટફોલિયો નકારવામાં આવ્યો હતો અને તેમને ગૃહમંત્રી બનાવવામાં આવ્યા ન હતા. ત્રીજું કારણ રાયગઢ અને નાસિક એમ બે જિલ્લાઓમાં વાલીમંત્રીની નિમણૂકને લઈને વધતો વિવાદ છે.
શિંદે આ બે જિલ્લાઓમાં તેમના પક્ષના બે મંત્રીઓને વાલી તરીકે નિયુક્ત કરવા માંગે છે, જ્યારે અજિત પવાર અને ફડણવીસે આ બે જિલ્લાઓમાં તેમના વાલી મંત્રીઓની નિમણૂક કરી દીધી છે, જાકે, ફડણવીસે આ પર તાત્કાલિક રોક લગાવી દીધી છે. ચોથું કારણ શિંદેને ડિઝાસ્ટર મેનેજમેન્ટ કમિટીમાંથી શરૂઆતમાં બાકાત રાખવામાં આવ્યા હતા અને પછીથી તેમાં તેમનો સમાવેશ કરવામાં આવ્યો હતો.
જાકે, હવે ચર્ચા શરૂ થઈ ગઈ છે કે શું શિંદેની મલંગગઢ માઘી પૂર્ણિમા ઉત્સવની મુલાકાત કેબિનેટ બેઠક કરતાં વધુ મહત્વપૂર્ણ હતી કે શિંદેએ જાણી જાઈને તેને અવગણી હતી? આ બેઠકમાં ફડણવીસ અને નાયબ મુખ્યમંત્રી અજિત પવાર સહિત અન્ય સંબંધિત મંત્રીઓએ હાજરી આપી હતી. મોટી વાત એ છે કે અજિત પવાર ફડણવીસની કોઈ પણ મીટિંગ ચૂકી રહ્યા નથી, તેઓ દરેક મીટિંગમાં હાજરી આપી રહ્યા છે.