પાકિસ્તાનના ભૂતપૂર્વ વડા પ્રધાન ઇમરાન ખાનના જીવિત રહેવા અંગેનો સસ્પેન્સ વધુ ઘેરો બન્યો છે. તેમના પરિવાર અને સંબંધીઓને છેલ્લા ત્રણ અઠવાડિયાથી તેમના વિશે કોઈ સમાચાર મળ્યા નથી. જેલમાં ઇમરાન ખાનના મૃત્યુના સમાચાર પાકિસ્તાની સોશિયલ મીડિયા અને જાપાની મીડિયામાં જંગલની આગની જેમ ફેલાઈ રહ્યા છે. દરમિયાન, પાકિસ્તાને સાંજે ૫ઃ૩૦ વાગ્યે રાષ્ટ્રીય સભાની કટોકટી બેઠક બોલાવી છે. આનાથી મોટી દુર્ઘટના થવાની આશંકા છે. આ ભય વચ્ચે, ખૈબર પખ્તુનખ્વાના મુખ્ય પ્રધાન સોહેલ આફ્રિદીને ગુરુવારે અદિયાલા જેલમાં ઇમરાન ખાનને મળવા જતા અટકાવવામાં આવ્યા હતા.મુખ્ય પ્રધાન સોહેલ આફ્રિદીએ જણાવ્યું હતું કે તેમને જેલમાં ઇમરાન ખાનને મળવાની મંજૂરી આપવામાં આવી ન હતી, જેના કારણે તેઓ જેલની બહાર વિરોધ પ્રદર્શન પર બેઠા હતા. છેલ્લા ઘણા દિવસોથી પાકિસ્તાની અને વિદેશી મીડિયામાં ઇમરાન ખાનના મૃત્યુની અફવાઓ ફેલાઈ રહી છે. ઇમરાન ખાનની પાર્ટી, પીટીઆઈ, ખૈબર પખ્તુનખ્વામાં સરકાર ધરાવે છે. સોહેલ આફ્રિદી ઇમરાન ખાનની પાર્ટીના એકમાત્ર મુખ્ય પ્રધાન છે. જાકે, તેમને પણ વડા પ્રધાન શાહબાઝ શરીફની સરકારે તેમને મળવાથી રોકવામાં આવ્યા છે.ઇમરાન ખાનના પરિવાર અને પીટીઆઈના કાર્યકરો શાહબાઝ શરીફ અને પાકિસ્તાનના આર્મી ચીફ આસીમ મુનીર પર જેલમાં ઇમરાન ખાનની હત્યાનું આયોજન કરવાનો આરોપ લગાવી રહ્યા છે. છેલ્લા ઘણા દિવસોથી હજારો ઇમરાન ખાન સમર્થકો અદિયાલા જેલની બહાર વિરોધ પ્રદર્શન કરી રહ્યા છે. આ વિરોધ ધીમે ધીમે અન્ય શહેરોમાં ફેલાઈ રહ્યો છે.
