આસામના મુખ્યમંત્રી હિમંતા બિસ્વા સરમાએ રવિવારે રાજ્યની વસ્તીમાં થઈ રહેલા ફેરફારો અંગે એક મોટું નિવેદન આપ્યું હતું. તેમણે દાવો કર્યો હતો કે આસામમાં હિન્દુઓની સંખ્યા હવે કુલ વસ્તીના લગભગ ૪૦ ટકા થઈ ગઈ છે, જે લગભગ મુસ્લિમ વસ્તી જેટલી છે.
એક કાર્યક્રમ દરમિયાન પત્રકારો સાથે વાત કરતા, હિમંત બિસ્વા શર્માએ જણાવ્યું હતું કે આસામ “વસ્તી વિષયક પરિવર્તનનો મોટો ભોગ બન્યો છે.” તેમણે સમજાવ્યું કે ૨૦૨૧ ના અંદાજ મુજબ, મુસ્લિમ વસ્તી ૩૮ ટકાના આંકડાને વટાવી ગઈ છે અને હાલમાં રાજ્યની વસ્તીના આશરે ૩૯.૫ ટકા છે. તેમણે સ્પષ્ટતા કરી કે આ આંકડા ૨૦૧૧ ના વસ્તી ગણતરીના અંદાજ પર આધારિત છે.
મુખ્યમંત્રીએ ચેતવણી આપી હતી કે રાજ્યમાં ખ્રિસ્તી વસ્તી આશરે ૬-૭ ટકા છે, અને જા અન્ય પ્રદેશો અને સમુદાયોના લોકોને બાકાત રાખવામાં આવે તો, આજે આસામમાં હિન્દુ વસ્તી ૪૦ ટકાથી વધુ નથી.
હિમંત બિસ્વા શર્માએ આ ઝડપી પરિવર્તન માટે ઘૂસણખોરીને જવાબદાર ગણાવી હતી. તેમણે દાવો કર્યો હતો કે વૈષ્ણવ સંસ્કૃતિનું કેન્દ્ર અને વિશ્વના સૌથી મોટા વસ્તીવાળા નદી ટાપુ, માજુલી જેવા જિલ્લાઓમાં મુસ્લિમ વસ્તીમાં ૧૦૦ ટકાનો વધારો જાવા મળ્યો છે. જાકે, તેમણે સ્પષ્ટતા કરી કે આ વધારો સ્થાનિક મુસ્લિમોના કુદરતી વધારાને કારણે નહીં, પરંતુ ગેરકાયદેસર ઘૂસણખોરીને કારણે થયો છે.
આ ચિંતાજનક પરિસ્થિતિને સંબોધવા માટે કેન્દ્ર સરકારના પ્રયાસોની પ્રશંસા કરતા, સરમાએ વડા પ્રધાન નરેન્દ્ર મોદી દ્વારા સ્વતંત્રતા દિવસના ભાષણ દરમિયાન જાહેર કરાયેલ ડેમોગ્રાફિક મિશનને એક મહત્વપૂર્ણ પગલું ગણાવ્યું. તેમણે કહ્યું કે આ મિશન આ મુદ્દાને ઉકેલવા તરફનું પ્રથમ નિર્ણાયક પગલું છે.
મુખ્યમંત્રીના દાવા એવા સમયે આવ્યા છે જ્યારે ગેરકાયદેસર ઘૂસણખોરી અને નાગરિકતા સંબંધિત મુદ્દાઓ લાંબા સમયથી રાજ્યમાં રાજકીય અને સામાજિક ચર્ચાનું કેન્દ્ર રહ્યા છે. ૨૦૧૧ ની વસ્તી ગણતરી મુજબ, આસામની કુલ વસ્તીમાં હિન્દુઓનો હિસ્સો આશરે ૬૧.૪૭ ટકા હતો, જ્યારે મુસ્લિમોનો હિસ્સો આશરે ૩૪.૨૨ ટકા હતો.
