સંરક્ષણ મંત્રી રાજનાથ સિંહે કહ્યું, “આપણી નૌકાદળ હિંદ મહાસાગરમાં સતત હાજરી જાળવી રાખે છે, પછી ભલે તે પર્શિયન ગલ્ફમાં હોય કે મલાક્કાની સામુદ્રધુનીમાં. જ્યારે પણ કોઈ કટોકટી ઊભી થાય, પછી ભલે તે બચાવ કામગીરી હોય કે માનવતાવાદી સહાય પૂરી પાડવાની હોય, આપણી નૌકાદળ હંમેશા મોખરે હોય છે. આપણી નૌકાદળ ભારતના મૂલ્યો અને પ્રતિબદ્ધતાને મૂર્તિમંત કરે છે.આઇએનએસ તારાગિરીનો સમાવેશ આપણી નૌકાદળની શક્તિ, મૂલ્યો અને પ્રતિબદ્ધતાને વધુ મજબૂત બનાવશે.
ભારતની દરિયાઈ સુરક્ષાને અભેદ્ય બનાવવા તરફ શુક્રવારે એક નવો અધ્યાય ઉમેરાયો. સંરક્ષણ મંત્રી રાજનાથ સિંહે વિશાખાપટ્ટનમના નેવલ ડોકયાર્ડ ખાતે સ્વદેશી અત્યાધુનિક સ્ટીલ્થ ફ્રિગેટ્સ તારાગિરી અને આઇએનએસ અરિધમનને નૌકાદળમાં કમિશન કર્યું. સીડીએસ જનરલ અનિલ ચૌહાણ, નૌકાદળના વડા એડમિરલ દિનેશ કુમાર ત્રિપાઠી અને અન્ય વરિષ્ઠ લશ્કરી અધિકારીઓ સમારોહમાં હાજર રહ્યા.
આ દરમિયાન, રાજનાથ સિંહે કહ્યું,આઇએનએસ તારાગિરીના કમિશનિંગથી ભારતની નૌકાદળની તાકાતમાં વધુ વધારો થયો છે.આઇએનએસ તારાગિરીમાં બ્રહ્મોસ અને સુપરસોનિક મિસાઇલોનો સમાવેશ થાય છે. ઇતિહાસ આપણને કહે છે કે કોઈ પણ દેશને તેની નૌકાદળ શક્તિને મજબૂત કર્યા વિના શક્તિશાળી ગણી શકાય નહીં.”
સંરક્ષણ મંત્રીએ કહ્યું, “આ શહેર પોતે ભારતની દરિયાઈ શક્તિનું સાક્ષી રહ્યું છે, તેથી વિશાખાપટ્ટનમથી આઇએનએસ તારાગિરીને કમિશનિંગ કરવું એ ખૂબ જ મહત્વપૂર્ણ ક્ષણ છે. આપણા સાંસ્કૃતિક વારસાથી લઈને આજની વ્યૂહાત્મક વાસ્તવિકતાઓ સુધી, ભારતનો હંમેશા સમુદ્ર સાથે એક અનોખો સંબંધ રહ્યો છે, અને સમય જતાં સમુદ્ર સાથેનો આપણો સંબંધ વધુ મજબૂત બન્યો છે.” ”
તેમણે કહ્યું, “આપણે ફક્ત આપણા દરિયાકાંઠાનું રક્ષણ કરવા પૂરતું મર્યાદિત ન રહેવું જાઈએ, પરંતુ રાષ્ટ્રીય હિતો સાથે સંબંધિત મહત્વપૂર્ણ દરિયાઈ માર્ગો, ચોક પોઈન્ટ્સ અને ડિજિટલ ઈન્ફ્રાસ્ટ્રક્ચરની સુરક્ષા પણ સુનિશ્ચિત કરવી જાઈએ. મને ખુશી છે કે ભારતીય નૌકાદળ આ તમામ સુરક્ષા કાર્યોમાં સક્રિયપણે રોકાયેલું છે.”
રાજનાથ સિંહે કહ્યું, “જ્યારે પણ તણાવની પરિસ્થિતિ ઊભી થાય છે, ત્યારે ભારતીય નૌકાદળે આપણા વાણિજ્યક જહાજા અને તેલ ટેન્કરોની સુરક્ષા સુનિશ્ચિત કરી છે. આપણી નૌકાદળે સાબિત કર્યું છે કે તે માત્ર ભારતના હિતોનું રક્ષણ કરવા માટે જ નહીં, પણ જા જરૂર પડે તો, આપણા નાગરિકો અને વેપાર માર્ગોનું રક્ષણ કરવા માટે વૈશ્વિક સ્તરે તમામ શક્્ય પગલાં લેવા માટે પણ સક્ષમ છે. આ ક્ષમતા ભારતને એક જવાબદાર દરિયાઈ શક્તિ બનાવે છે.”
તેમણે કહ્યું, “જ્યારે આપણા વડા પ્રધાન ૨૦૪૭ સુધીમાં વિકસિત ભારત બનાવવા વિશે વાત કરે છે, ત્યારે નૌકાદળની ભૂમિકા તે દ્રષ્ટિમાં અત્યંત મહત્વપૂર્ણ બની જાય છે. ૧૧,૦૦૦ કિલોમીટરથી વધુનો દરિયાકિનારો અને ત્રણ બાજુથી સમુદ્રથી ઘેરાયેલો આપણો દેશ, સમુદ્ર વિના તેના વિકાસની કલ્પના પણ કરી શકતો નથી. આપણા લગભગ ૯૫ ટકા વેપાર દરિયાઈ માર્ગો દ્વારા થાય છે. આપણી ઉર્જા સુરક્ષા પણ સમુદ્ર પર નિર્ભર છે. તેથી, એ સ્પષ્ટ છે કે મજબૂત અને સક્ષમ નૌકાદળ માત્ર એક વિકલ્પ નથી, પરંતુ એક આવશ્યકતા છે.”
