વિદેશ પ્રધાન એસ જયશંકરે ક્વાડ કોન્ફરન્સમાં ભાગ લીધો હતો. તેઓ ચાર દિવસના યુએસ પ્રવાસ પર છે. વોશિંગ્ટન ડીસીમાં એક પ્રેસ કોન્ફરન્સમાં તેમણે કહ્યું કે આતંકવાદ પર શૂન્ય સહિષ્ણુતા અમારી નીતિ છે. તેમણે ઓપરેશન સિંદૂરનો પણ ઉલ્લેખ કર્યો અને પાકિસ્તાનનું નામ લીધા વિના પોતાનો મુદ્દો રજૂ કર્યો.
જયશંકરે વધુમાં કહ્યું, ‘જા તમે ૧૦ મેના રોજ ગોળીબાર બંધ થયા પછી (પાકિસ્તાન સાથે સંઘર્ષ) વડા પ્રધાનના રાષ્ટ્રને સંબોધન પર નજર નાખો, તો તેમાં કેટલાક ખૂબ જ સ્પષ્ટ સંદેશા હતા. ખરેખર આતંકવાદી જૂથો અને તેમના પ્રાયોજકોએ તે સંદેશાઓને આત્મસાત કરવા અને ધ્યાનમાં લેવાનું છે. મને નથી લાગતું કે અમે સ્પષ્ટ કરીશું કે જા આવું થશે, તો અમે તે કરીશું. મારો મતલબ, કોઈ સરકાર એવું કરતી નથી.’
વિદેશ મંત્રી ડા. એસ. જયશંકરે કહ્યું, “મેં મારા દરેક સમકક્ષો સાથે આ ભાવના શેર કરી છે કે આતંકવાદી પડકારોનો સામનો કરવા માટે આપણને પોતાનો બચાવ કરવાનો અધિકાર છે. આપણે છેલ્લા ઘણા દાયકાઓથી આનો સામનો કરી રહ્યા છીએ. આપણે તેનો મજબૂત જવાબ આપવા માટે કટિબદ્ધ છીએ. આતંકવાદીઓ અને તેમના માસ્ટર્સને ન્યાયના કઠેડામાં લાવવા જ જાઈએ અને આ મહત્વપૂર્ણ છે કારણ કે આપણે દુનિયાને કહેવું છે કે ૭ મેના રોજ ઓપરેશન સિંદૂર દરમિયાન આપણે જે કર્યું તેનો હેતુ એ છે કે જા કોઈ આતંકવાદી હુમલો થાય છે, તો આપણે ગુનેગારો, સમર્થકો અને મદદ કરનારાઓ સામે કાર્યવાહી કરીશું. આ સંદેશ ખૂબ સ્પષ્ટતા સાથે આપવામાં આવ્યો હતો.”
વિદેશ મંત્રી એસ જયશંકરે કહ્યું “મારી મુલાકાતનો મુખ્ય હેતુ વિદેશ મંત્રી મંડળની બેઠકમાં હાજરી આપવાનો હતો. મેં મારા સમકક્ષો સાથે દ્વિપક્ષીય બેઠકો યોજી. અમે બધા એ વાત પર ભારપૂર્વક સંમત થયા કે આ ક્ષેત્રમાં અમારો સામાન્ય ઉદ્દેશ્ય ઈન્ડો-પેસિફિક ક્ષેત્રમાં વ્યૂહાત્મક સ્થિરતાને મજબૂત બનાવવાનો છે. બેઠક અને ચર્ચાઓ મુખ્યત્વે વિવિધ પહેલ અને પ્રોજેક્ટ્સના અમલીકરણને વધારવા પર કેન્દ્રિત હતી. તાજેતરના વિકાસને ધ્યાનમાં રાખીને, અમે ઈઝરાયલ-ઈરાન સંઘર્ષ તેમજ ઈરાનમાં અમેરિકા દ્વારા લેવામાં આવેલા પગલાંની ચર્ચા કરવામાં પણ થોડો સમય વિતાવ્યો.”
વિદેશ મંત્રી ડા. એસ. જયશંકરે કહ્યું, “…અમે આ વર્ષના અંતમાં ભારતમાં ક્વાડ સમિટ યોજવાની પણ આશા રાખીએ છીએ અને તેની તૈયારી અંગે અમારી વચ્ચે અર્થપૂર્ણ ચર્ચા થઈ…” તેમણે ઉમેર્યું, “…અમે ક્વાડ ક્રિટિકલ મિનરલ્સ ઇનિશિયેટિવ શરૂ કર્યું છે અને તે ખાસ કરીને ખનિજ પુનઃપ્રાપ્તિ પર ધ્યાન કેન્દ્રિત કરશે, જે આપણા બધા માટે ખૂબ જ મહત્વપૂર્ણ છે. અમે નક્કી કર્યું છે કે ક્વાડ ઇન્ડો-પેસિફિક લોજિસ્ટિક્સ નેટવર્ક, જે વર્ષની શરૂઆતમાં શરૂ કરવામાં આવ્યું હતું, તે ખૂબ જ ટૂંક સમયમાં પોતાની ફિલ્ડ તાલીમ કવાયત હાથ ધરશે. નિષ્ણાત સ્તરે દરિયાઈ કાનૂની સંવાદ આ મહિનાના અંતમાં વર્ચ્યુઅલ રીતે યોજાશે. અમે અમારા ગુરુગ્રામ ફ્યુઝન સેન્ટર દ્વારા દરિયાઈ ક્ષેત્ર જાગૃતિ પર ઇન્ડો-પેસિફિક ભાગીદારીને વિસ્તૃત કરવા માટે કેટલાક પગલાં લીધાં છે…”
ડા. એસ. જયશંકરે કહ્યું, “…બધા ક્વાડ મંત્રીઓ ભારપૂર્વક સંમત થયા કે ક્વાડમાં અમારું લક્ષ્ય ઇન્ડો-પેસિફિકમાં વ્યૂહાત્મક સ્થિરતાને મજબૂત બનાવવાનું હતું અને આ બેઠકમાં ચર્ચાઓ મુખ્યત્વે વિવિધ પહેલ અને પ્રોજેક્ટ્સ પર ડિલિવરી વધારવા માટે સમર્પિત હતી. અમે ઇન્ડો-પેસિફિકના પ્રાદેશિક મુદ્દાઓ પર ખૂબ જ ખુલ્લી ચર્ચા કરી. તાજેતરના વિકાસને ધ્યાનમાં રાખીને, તે સ્વાભાવિક છે કે અમે ઇઝરાયલ-ઈરાન સંઘર્ષ અને ઇરાનમાં અમેરિકા દ્વારા લેવામાં આવેલા પગલાંની પણ ચર્ચા કરી.”
