ઓપરેશન સિંદૂરની સફળતા અને વૈશ્ચિક સ્તરે પાકિસ્તાન પ્રાયોજિત આતંકવાદનો પર્દાફાશ કર્યા પછી, ભારતીય સર્વપક્ષીય પ્રતિનિધિમંડળ ભારત પરત ફર્યું છે. રાજ્યસભા સાંસદ અને જેડીયુ કાર્યકારી પ્રમુખ સંજય ઝા, જેમણે પાંચ દેશોની મુલાકાત લીધી હતી તેવા સંસદીય પ્રતિનિધિમંડળનું નેતૃત્વ કર્યું હતું, તેમણે કહ્યું કે આ મુલાકાતને ચાર મોટી સફળતા મળી છે. સર્વપક્ષીય પ્રતિનિધિમંડળનો સંદેશ એ હતો કે આખો દેશ એક છે. સંજય ઝાએ કહ્યું કે દરેક દેશ ભારતની નવી નીતિ અને નવા સામાન્યતાને સમજી રહ્યો છે કે આતંકવાદી ઘટના પછી, ભારત હુમલો કરવા અને ઘરમાં ઘૂસીને હત્યા કરવા માટે સ્વતંત્ર છે. અમે પાકિસ્તાનના પરમાણુ બોમ્બનો પણ પર્દાફાશ કર્યો છે.
તેમણે વધુમાં કહ્યું કે મલેશિયામાં પાકિસ્તાનના ઉચ્ચાયોગે અમારા કાર્યક્રમને રોકવાનો ખૂબ પ્રયાસ કર્યો, પરંતુ દરેક કાર્યક્રમ સરળતાથી થયો, તેઓ ધર્મનું બહાનું આપી રહ્યા હતા. ઇન્ડોનેશિયા અને મલેશિયા જેવા મુસ્લીમ બહુમતી ધરાવતા દેશો પણ ધાર્મિક કટ્ટરતાથી પરેશાન છે. અમે ઇન્ડોનેશિયાને મુસ્લીમ દેશો ઓઆઇસીના સંગઠનમાં ભારતનો પક્ષ રજૂ કરવા કહ્યું, પછી તેઓ અમારી વાત પર સંમત થયા.
રાહુલ ગાંધી પર હુમલો કરતા સંજય ઝાએ કહ્યું કે મને ખબર નથી કે તેમને કોણ સલાહ આપી રહ્યું છે…. મોદીજી લોકોના આશીર્વાદથી ત્રીજી વખત પીએમ બન્યા છે. તેઓ સમગ્ર વિશ્વમાં આદરણીય અને લોકપ્રિય છે. સલમાન ખુર્શીદે ભારતનો પક્ષ રજૂ કર્યો અને તે બિલકુલ સાચો હતો, પરંતુ તેઓ પોતે ટ્રોલ થવા લાગ્યા.
ઇન્ડોનેશિયામાં થિંક ટેન્ક અને શિક્ષણવિદો સાથેના એક કાર્યક્રમમાં બોલતા, ખુર્શીદે કહ્યું હતું કે કાશ્મીરમાં લાંબા સમયથી એક મોટી સમસ્યા હતી. બંધારણની કલમ ૩૭૦ માં સરકારની વિચારસરણીમાં આ સમસ્યા જાવા મળી હતી, જેના કારણે એવું લાગતું હતું કે કાશ્મીર દેશના બાકીના ભાગથી અલગ છે, પરંતુ કલમ ૩૭૦ નાબૂદ કરવામાં આવી અને આ સમસ્યાનો અંત આવ્યો.
