આઇપીએલ ૨૦૨૬ ત્રણ દિવસમાં, ૨૮ માર્ચે શરૂ થવાનું છે. આ સિઝન શરૂ થાય તે પહેલાં, ભૂતપૂર્વ ભારતીય ક્રિકેટર સૌરવ ગાંગુલીએ આઇપીએલ ૨૦૨૬ માં કયા ખેલાડીને જાવા માટે સૌથી વધુ ઉત્સાહિત છે તે વિશે વાત કરી છે. ગાંગુલીએ ઇમ્પેક્ટ પ્લેયર નિયમ વિશે પણ ચર્ચા કરી હતી. તેમની વાતચીત દરમિયાન, તેમણે ચોક્કસપણે વૈભવ સૂર્યવંશી અને અભિષેક શર્મા જેવા ખેલાડીઓનો ઉલ્લેખ કર્યો, પરંતુ તેઓ જે ખેલાડી વિશે સૌથી વધુ ઉત્સાહિત છે તે દિલ્હી કેપિટલ્સનો સભ્ય છે. ગયા વર્ષે મિની ઓક્શનમાં દિલ્હીએ તેને ૮.૪ કરોડમાં ખરીદ્યો હતો.
સૌરવ ગાંગુલીએ કહ્યું કે આઇપીએલ ૨૦૨૬માં ઘણા યુવા ખેલાડીઓ આકર્ષણનું કેન્દ્ર બનશે, જેમાં જમ્મુ અને કાશ્મીરના ફાસ્ટ બોલર આકિબ નબીનો પણ સમાવેશ થાય છે. નબીને દિલ્હી કેપિટલ્સે ૮.૪ કરોડમાં ખરીદ્યો હતો. ગાંગુલીએ કહ્યું કે વૈભવ સૂર્યવંશી, અભિષેક શર્મા, યશસ્વી જયસ્વાલ, આયુષ મ્હાત્રે અને સૂર્યકુમાર યાદવ જેવા ખેલાડીઓ આઇપીએલનો ભાગ છે. તેમણે કહ્યું, “હું આકિબ નબીને જાવા માટે ઉત્સુક છું. તેઓ બધા યુવાન છે. વોશિંગ્ટન સુંદર યુવાન છે, તિલક વર્મા યુવાન છે. તેઓ બધા તેમના શિખર પર છે, અને તે આઇપીએલની ઓળખ છે.” પરંતુ હું જાવા માંગુ છું કે આકિબ નબી આ લીગમાં કેવું પ્રદર્શન કરે છે.
ઇવેન્ટ દરમિયાન, ગાંગુલીએ ઇમ્પેક્ટ પ્લેયર નિયમ વિશે પણ ચર્ચા કરી. તેમણે કહ્યું કે તે યથાવત રહેશે. તાજેતરમાં, દિલ્હી કેપિટલ્સના કેપ્ટન અક્ષર પટેલે આ નિયમની ટીકા કરી હતી. ગાંગુલીએ કહ્યું કે કેટલાકને આ નિયમ ગમશે, કેટલાકને નહીં પણ, પરંતુ તેમ છતાં, તેને દૂર કરવાની શક્્યતા ખૂબ ઓછી છે. ભૂતપૂર્વ ક્રિકેટરે કહ્યું, “મારું માનવું છે કે ઇમ્પેક્ટ પ્લેયર નિયમ રહેશે. જ્યારે હું બીસીસીઆઇ પ્રમુખ હતો ત્યારે તે રજૂ કરવામાં આવ્યો હતો. તે અહીં રહેશે; કેટલાકને તે ગમશે, કેટલાકને નહીં.” ઇમ્પેક્ટ પ્લેયર નિયમ અનુસાર, બંને ટીમો મેચ દરમિયાન તેમની પ્લેઇંગ ઇલેવનમાં એક ફેરફાર કરી શકે છે.
ગાંગુલીએ ઇવેન્ટ દરમિયાન એમ પણ કહ્યું હતું કે તે હંમેશા ક્રિકેટમાં સંકળાયેલા રહેવા માંગે છે, પછી ભલે તે કોચ તરીકે હોય કે અન્ય કોઈ ભૂમિકામાં. ગાંગુલીના માર્ગદર્શન હેઠળ, પ્રિટોરિયા કેપિટલ્સ એસએ ૨૦ લીગની ફાઇનલમાં પહોંચી અને અંતે રનર્સ-અપ તરીકે સમાપ્ત થઈ. ગાંગુલીએ કહ્યું કે તે ભવિષ્યમાં કોચિંગ માટે ખુલ્લા છે. “હું ક્રિકેટમાં સંકળાયેલા રહેવા માંગુ છું અને કોચિંગમાં રસ ધરાવું છું,” તેમણે કહ્યું. તેમણે ઉમેર્યું કે તેમણે તેમની કારકિર્દીમાં દરેક ભૂમિકા ભજવી છેઃ ખેલાડી, કેપ્ટન અને પ્રશાસક. તેઓ તેમના માર્ગમાં આવતી કોઈપણ તકને સ્વીકારવા તૈયાર છે.
