ભારત અને પાકિસ્તાન વચ્ચે સરહદ પર વધતા તણાવને કારણે, ૧૦ મેના રોજ આઇપીએલ ૨૦૨૫ સીઝનને એક અઠવાડિયા માટે સ્થગિત કરવાનો નિર્ણય લેવામાં આવ્યો. ૧૨ મેના રોજ યુદ્ધવિરામ બાદ, આઇપીએલ ગવ‹નગ કાઉન્સિલ દ્વારા એક નવું શેડ્યૂલ પણ જાહેર કરવામાં આવ્યું હતું જેમાં બાકીની મેચો હવે ૧૭ મે થી ૩ જૂન દરમિયાન રમાશે. દરમિયાન, આ સસ્પેન્શન આરસીબી ટીમ માટે ખૂબ જ ફાયદાકારક સાબિત થયું, જેનું પ્રદર્શન આ સિઝનમાં ખૂબ જ સારું રહ્યું હતું, જેમાં ચેન્નાઈ સુપર કિંગ્સ સામેની મેચ દરમિયાન આંગળીમાં ઈજાગ્રસ્ત થયેલા તેમના કેપ્ટન રજત પાટીદાર હવે લગભગ સંપૂર્ણપણે ફિટ છે અને કેકેઆર સામેની મેચમાં રમી શકે છે.
આરસીબી ટીમ આઇપીએલ ૨૦૨૫ માં રજત પાટીદારની કેપ્ટનશીપમાં રમી રહી છે, જેમાં તેમણે અત્યાર સુધીમાં ૧૧ મેચ રમી છે અને તેમાંથી તેમણે ૮ મેચ જીતી છે. ૩ મેના રોજ સીએસકે સામેની મેચમાં, રજત પાટીદારને જમણા હાથની આંગળીમાં ઈજા થઈ હતી, જેના કારણે તેમને કહેવામાં આવ્યું હતું કે તેમને સંપૂર્ણપણે ફિટ થવામાં લગભગ ૧૦ દિવસ લાગશે અને આવી સ્થિતિમાં, પાટીદાર ૨ થી ૩ મેચમાંથી બહાર રહેશે તે નિશ્ચિત માનવામાં આવતું હતું. જાકે, અચાનક એક અઠવાડિયા માટે આઇપીએલ સ્થગિત થવાને કારણે પાટીદારને સંપૂર્ણપણે ફિટ થવાનો સમય મળ્યો. હવે પાટીદાર ૧૭ મેના રોજ કોલકાતા નાઈટ રાઈડર્સ સામેની મેચમાં રમવા માટે સંપૂર્ણપણે તૈયાર છે, જેના માટે તેણે નેટ્સમાં બેટિંગની પ્રેક્ટિસ પણ શરૂ કરી દીધી છે.
કેકેઆર સામેની મેચ માટે, ઇઝ્રમ્ ટીમે ૧૫ મેથી એમ. ચિન્નાસ્વામી સ્ટેડિયમ ખાતે પ્રેક્ટિસ શરૂ કરી હતી.ઇએસપીએન ક્રિકઇન્ફો અનુસાર, રજત પાટીદારે ૧૫ મેના રોજ નેટ્સમાં લગભગ ૩૦ મિનિટ સુધી બેટિંગ કરી હતી અને તે કોઈ પણ પ્રકારની અસ્વસ્થતામાં દેખાતા નહોતા. જાકે, પાટીદારે ફિલ્ડિગ પ્રેક્ટિસમાં ભાગ લીધો ન હતો. પાટીદારે આ સિઝનમાં અત્યાર સુધીમાં ૧૦ ઇનિંગ્સમાં બેટિંગ કરતી વખતે કુલ ૨૩૯ રન બનાવ્યા છે.
