અમર ડેરી દ્વારા વિશ્વ પર્યાવરણ દિવસની ભવ્ય ઉજવણી કરાઈ

અમરેલીના ચલાલા રોડ પર આવેલી અમર ડેરી ખાતે વિશ્વ પર્યાવરણ દિવસની ભવ્ય ઉજવણી કરવામાં આવી, જેમાં પર્યાવરણ જાળવણી માટે મહત્વપૂર્ણ સંદેશ આપવામાં આવ્યો હતો. આ પ્રસંગે
વૃક્ષારોપણ અને વૃક્ષ વિતરણ કાર્યક્રમ યોજાયો હતો. ઉપસ્થિત સૌએ સિંગલ યુઝ પ્લાસ્ટિકનો ઉપયોગ ન કરવાનો સંકલ્પ કર્યો હતો. પર્યાવરણની જાળવણીના અનેક ફાયદાઓ પર ભાર મૂકવામાં આવ્યો હતો. આ પ્રસંગે હવા, જળ, જમીન અને અવાજ પ્રદૂષણ અટકાવવા પર ભાર મૂકવામાં આવ્યો હતો. અમર ડેરીના ચેરમેન અશ્વિનભાઈ સાવલિયા, એમ.ડી. ડો. આર.એસ. પટેલ, દૂધ મંડળીના પ્રમુખ-મંત્રીઓ અને કર્મચારીગણ મોટી સંખ્યામાં હાજર રહ્યા હતા.