અમરેલી જિલ્લા પોલીસ અધિક્ષક સંજય ખરાત અને મદદનીશ પોલીસ અધિક્ષક વલય વૈદ્ય સાવરકુંડલાના માર્ગદર્શન હેઠળ, રાજુલા પોલીસ સ્ટેશનમાં સ્પેશિયલ ડ્રાઇવ શરૂ કરવામાં આવી છે. આ ડ્રાઇવનો મુખ્ય ઉદ્દેશ્ય આગામી તહેવારો અને નવા વર્ષની ઉજવણી દરમિયાન શાંતિ અને સુરક્ષા જાળવવાનો છે. રાજુલા પોલીસ ઇન્સ્પેકટર વી.એમ.કોલાદરાની સૂચના પર, પોલીસ કર્મચારીઓ વાહન ચેકિંગ, કાળા કાચવાળા વાહનો અને નંબર પ્લેટ વગરના વાહનો સામે કડક કાર્યવાહી કરી રહ્યા છે. ખાસ કરીને, આગામી ૩૧ ડિસેમ્બરને ધ્યાનમાં રાખીને, દારૂની હેરાફેરી રોકવા માટે વિશેષ ધ્યાન આપવામાં આવી રહ્યું છે.
