યુએસ વિદેશ સચિવ માર્કો રુબિયોની ભારત મુલાકાતને વિશ્વ રાજકારણમાં એક મોટું પગલું માનવામાં આવી રહ્યું છે. દક્ષિણ એશિયાઈ બાબતોના નિષ્ણાત માઈકલ કુગેલમેને આ મુલાકાતને ખૂબ જ ખાસ ગણાવી. તેમણે કહ્યું કે ક્વાડ મીટિંગમાં ભાગ લેવા માટે રુબિયોની ભારત મુલાકાત સ્પષ્ટપણે દર્શાવે છે કે ટ્રમ્પ વહીવટીતંત્ર આ સંગઠન પ્રત્યે ગંભીર છે અને તેને આગળ વધારવા માંગે છે.
કુગેલમેને વાતચીતમાં કહ્યું કે ભારત અને અમેરિકા વચ્ચેના સંબંધો માટે આ એક મોટી તક છે. માર્કો રુબિયો જેવા વરિષ્ઠ યુએસ અધિકારીએ ભારતની મુલાકાત લીધાને ઘણો સમય થઈ ગયો છે. તેમણે આશા વ્યક્ત કરી કે આ મુલાકાત પછી, યુએસ રાષ્ટ્રપતિ ડોનાલ્ડ ટ્રમ્પ પોતે આ વર્ષના અંતમાં એક મુખ્ય સમિટમાં ભાગ લેવા માટે ભારતની મુલાકાત લઈ શકે છે.
કુગેલમેનના મતે, માર્કો રુબિયોએ ભારતને આ સમગ્ર દરિયાઈ ક્ષેત્રમાં સુરક્ષા અને યુનાઇટેડ સ્ટેટ્સ સાથેની મિત્રતાનો સૌથી મજબૂત સ્તંભ ગણાવ્યો હતો. હવે જાવાનું એ રહે છે કે આગામી દિવસોમાં અમેરિકાની સરકાર ભારતને વધુ મજબૂત બનાવવા માટે કયા નવા પગલાં લે છે.
આ દરમિયાન, અમેરિકાના વિદેશ મંત્રી માર્કો રુબિયોએ સોશિયલ મીડિયા પ્લેટફોર્મ ઠ પર ભારતમાં અમેરિકાના રાજદૂત સર્જિયો ગોર અને તેમની ટીમની પ્રશંસા કરી. રુબિયોએ જણાવ્યું હતું કે તેમની ટીમની મહેનતને કારણે, ભારત આગામી ૫ વર્ષમાં અમેરિકા પાસેથી ?૫૦૦ બિલિયન અથવા આશરે ૪૮ ટ્રિલિયનનો માલ ખરીદવા માટે સંમત થયું છે. આ સોદો મુખ્યત્વે વીજળી, ઉર્જા, ટેકનોલોજી અને કૃષિ પર ધ્યાન કેન્દ્રિત કરશે. રુબિયોએ કહ્યું કે આ ટીમ રાષ્ટ્રપતિ ટ્રમ્પ અને અમેરિકન લોકો માટે ઉત્તમ કાર્ય કરી રહી છે.
