આઇપીએલ ૨૦૨૬ સીઝન પહેલા બે મોટા સમાચાર સામે આવ્યા છે. અનુભવી ભારતીય સ્પિનર રવિચંદ્રન અશ્વિન હવે મેદાન પર વિકેટ લેવાને બદલે કોમેન્ટ્રી બોક્સમાં પોતાના જાદુઈ અવાજ અને રમતની ઊંડી સમજ સાથે જાવા મળશે. દરમિયાન,બીસીસીઆઇએ બેંગલુરુમાં થયેલી એક દુઃખદ ઘટનાને યાદ કરીને આ વર્ષના ઉદ્ઘાટન સમારોહને રદ કરવાનો ભાવનાત્મક નિર્ણય લીધો છે.
આઇપીએલ ૨૦૨૫ માં ચેન્નાઈ સુપર કિંગ્સ સાથે છેલ્લી સીઝન રમ્યા પછી, અશ્વિને લીગને અલવિદા કહી દીધું હતું. પરંતુ હવે તે જીયો હોટસ્ટારના હિન્દી કોમેન્ટ્રી પેનલમાં જાડાયો છે. અશ્વિનને ક્રિકેટના સૌથી તેજ મગજમાંના એક માનવામાં આવે છે. તેની પાસે ૨૨૧ આઇપીએલ મેચો અને ૧૮૭ વિકેટનો બહોળો અનુભવ છે. ચાહકો પહેલાથી જ “અશ કી બાત” જેવા તેમના વિશ્લેષણ માટે તેમને પ્રેમ કરે છે અને હવે લાઈવ મેચો દરમિયાન તેમના મંતવ્યો સાંભળવા માટે ઉત્તેજક રહેશે.
આઇએલટી ૨૦ અને બીબીએલ જેવી વિદેશી ટી ૨૦ લીગમાં રમવાની ઇચ્છાને કારણે અશ્વિને આંતરરાષ્ટ્રીય ક્રિકેટ અને આઇપીએલમાંથી નિવૃત્તિ લીધી, કારણ કે બીસીસીઆઇના નિયમો ફક્ત નિવૃત્ત ખેલાડીઓને વિદેશમાં રમવાની મંજૂરી આપે છે. જાકે અશ્વિન ઈજા અને વ્યક્તિગત કારણોસર આ લીગમાં ભાગ લઈ શક્્યો ન હતો, ચાહકોને ફરી એકવાર ટીવી પર તેને જાવા અને સાંભળવાની તક મળશે. અશ્વિન તાજેતરમાં ખૂબ જ સમાચારમાં રહ્યો છે. તેમણે અર્જુન તેંડુલકર વિશે કહ્યું હતું કે તે લખનૌ સુપર જાયન્ટ્સના પ્લેઇંગ ઇલેવનમાં ભાગ્યે જ સ્થાન મેળવી શકશે.
બીસીસીઆઇ સચિવ દેવજીત સૈકિયાએ પુષ્ટિ આપી છે કે આ વર્ષે કોઈ ભવ્ય ઉદ્ઘાટન સમારોહ નહીં થાય. ૪ જૂન, ૨૦૨૫ના રોજ બેંગલુરુના એમ. ચિન્નાસ્વામી સ્ટેડિયમની બહાર આરસીબીની ટાઇટલ જીતની ઉજવણી દરમિયાન થયેલી નાસભાગમાં મૃત્યુ પામેલા ૧૧ ચાહકોને શ્રદ્ધાંજલિ આપવા માટે આ નિર્ણય લેવામાં આવ્યો હતો. બોર્ડ ઇચ્છે છે કે સિઝનની શરૂઆત ગૌરવપૂર્ણ અને સંવેદનશીલ રીતે થાય. જાકે, ૩૧ મેના રોજ ટુર્નામેન્ટના અંતે એક ભવ્ય સમાપન સમારોહનું આયોજન કરવામાં આવ્યું છે. આરસીબીએ તે ૧૧ ચાહકોની યાદમાં સ્ટેડિયમની ૧૧ બેઠકો હંમેશા માટે ખાલી રાખવાનો પણ નિર્ણય લીધો છે.
