અખિલ ભારતીય વિદ્યાર્થી પરિષદ (એબીવીપી)એ જમ્મુ યુનિવર્સિટીમાં વિરોધ પ્રદર્શન કર્યું. એબીવીપીના કાર્યકરોએ રાષ્ટ્રીય શિક્ષણ નીતિ ૨૦૨૦ હેઠળ સુધારેલા અનુસ્નાતક રાજકીય વિજ્ઞાન અભ્યાસક્રમમાં સમાવિષ્ટ ભૂતપૂર્વ પાકિસ્તાન રાષ્ટ્રપતિ મુહમ્મદ અલી જિન્નાહ પરના પ્રકરણને દૂર કરવાની માંગ કરી.
જાકે, યુનિવર્સિટીએ જણાવ્યું હતું કે જિન્નાહ પરનું પ્રકરણ ભારતની ઘણી યુનિવર્સિટીઓમાં શૈક્ષણિક અભ્યાસક્રમનો ભાગ છે. આ યુનિવર્સિટી ગ્રાન્ટ્સ કમિશનની માર્ગદર્શિકા અનુસાર છે. એબીવીપી જમ્મુ અને કાશ્મીરના સચિવ સન્નક શ્રીવત્સના નેતૃત્વમાં કાર્યકરો યુનિવર્સિટી કેમ્પસમાં એકઠા થયા હતા અને વહીવટ સામે સૂત્રોચ્ચાર કર્યા હતા.
પ્રદર્શનો કરનારાઓએ “લઘુમતી અને રાષ્ટ્ર” પેપરમાંથી “આધુનિક ભારતીય રાજકીય વિચાર” પરના પ્રકરણને તાત્કાલિક દૂર કરવાની માંગ કરી હતી. વિરોધીઓએ ઝીણાના પોસ્ટરો પણ ફાડી નાખ્યા હતા અને ચેતવણી આપી હતી કે જા પ્રકરણ દૂર કરવામાં નહીં આવે તો વિરોધ વધુ તીવ્ર બનશે.
એબીવીપીના એક નેતાએ કહ્યું, “આપણી સરકારે એ હકીકત પર ધ્યાન આપવું જાઈએ કે જમ્મુ યુનિવર્સિટીના રાજકીય વિજ્ઞાન વિભાગે ૨૦૨૬-૨૦૨૮નો અભ્યાસક્રમ બહાર પાડ્યો છે. “આધુનિક ભારતીય રાજકીય વિચાર” હેઠળ, સર સૈયદ અહેમદ ખાન અને મુહમ્મદ અલી ઝીણા સહિત કેટલીક વ્યક્તિઓનો લઘુમતીઓના પ્રતિનિધિ તરીકે ઉલ્લેખ કરવામાં આવ્યો છે.” આ એ જ વ્યક્તિઓ છે જેમણે દેશના ભાગલામાં ભૂમિકા ભજવી હતી અને દ્વિ-રાષ્ટÙ સિદ્ધાંતનો પ્રચાર કર્યો હતો. તેમના વિશે શિક્ષણ આપવું એ ચિંતાનો વિષય છે.
દરમિયાન, રાજકીય વિજ્ઞાન વિભાગના વડા બલજીત સિંહ માનએ અભ્યાસક્રમનો બચાવ કરતા કહ્યું કે ઝીણા અને અન્ય વિચારકોના સંદર્ભો સંપૂર્ણપણે શૈક્ષણિક છે અને દેશભરની યુનિવર્સિટીઓ દ્વારા અનુસરવામાં આવતા અભ્યાસક્રમ અને ધોરણો સાથે સુસંગત છે. તેમણે કહ્યું કે આવા વિષયોને દૂર કરવાથી રાષ્ટ્રીય પાત્રતા પરીક્ષા આપતા વિદ્યાર્થીઓને નુકસાન થશે.
