ટી ૨૦ વર્લ્ડ કપ ૨૦૨૬ માં સંજુ સેમસન ભારતીય ટીમ માટે સૌથી મહત્વપૂર્ણ ખેલાડીઓમાંના એક તરીકે ઉભરી આવ્યો. તેણે નોકઆઉટ મેચોમાં પોતાની શાનદાર બેટિંગથી ટીમની ટાઇટલ જીતમાં મુખ્ય ભૂમિકા ભજવી. તેણે વેસ્ટ ઇન્ડીઝ સામે ક્વાર્ટર ફાઇનલમાં અણનમ ૯૭, ઇંગ્લેન્ડ સામે સેમિફાઇનલમાં ૮૯ અને ન્યુઝીલેન્ડ સામે ફાઇનલમાં ૮૯ રન બનાવીને પોતાની મેચ વિજેતા ક્ષમતાઓ સાબિત કરી.
વર્લ્ડ કપથી પોતાનું ફોર્મ ચાલુ રાખતા, સેમસન હવે આઇપીએલ ૨૦૨૬ માં એક મોટા સીમાચિહ્ન પર નજર રાખી રહ્યો છે. તે ૫,૦૦૦ રન પૂર્ણ કરવાની ખૂબ નજીક છે, જે ફક્ત એમએસ ધોનીએ વિકેટકીપર-બેટ્સમેન તરીકે હાંસલ કર્યું છે.
એમએસ ધોનીએ ૨૦૦૮ થી ૨૦૨૫ વચ્ચે ૨૭૮ મેચોમાં ૫,૪૩૯ રન બનાવ્યા, જેના કારણે તે આ સીમાચિહ્ન સુધી પહોંચનાર એકમાત્ર વિકેટકીપર-બેટ્સમેન બન્યો. જાકે કેએલ રાહુલ પાસે પણ ૫,૦૦૦ થી વધુ રન છે, પરંતુ તે દરેક મેચમાં વિકેટકીપર-બેટ્સમેન તરીકે રમ્યો નથી.
સંજુ સેમસનએ ૨૦૧૩ થી ૨૦૨૫ સુધી ૧૭૭ મેચોમાં ૪,૭૦૪ રન બનાવ્યા છે, જેમાં ૩ સદી અને ૨૬ અડધી સદીનો સમાવેશ થાય છે. તેને ૫,૦૦૦ રનના આંક સુધી પહોંચવા માટે ફક્ત ૨૯૬ રનની જરૂર છે. જા તે આ સિદ્ધિ હાંસલ કરે છે, તો તે આ વિશિષ્ટ ક્લબમાં જાડાનાર બીજા વિકેટકીપર-બેટ્સમેન બનશે.
આઇપીએલ ૨૦૨૬ માં આ સિદ્ધિ સેમસન માટે વધુ ખાસ હોઈ શકે છે, કારણ કે આ વખતે તે ચેન્નાઈ સુપર કિંગ્સ માટે રમશે. નોંધપાત્ર રીતે, તે એ જ ટીમનો ભાગ હશે જેના માટે એમએસ ધોની લાંબા સમયથી રમી રહ્યો છે.
સેમસન ૨૦૧૮ થી રાજસ્થાન રોયલ્સ સાથે છે અને ૨૦૨૧ માં ટીમનું નેતૃત્વ પણ કર્યું હતું. તેમના નેતૃત્વમાં, ટીમ ૨૦૨૨ માં ફાઇનલમાં પહોંચી હતી. ૨૦૨૫ સીઝન પછી, તેણે ટીમ છોડવાનો નિર્ણય લીધો, ત્યારબાદ ચેન્નાઈ સુપર કિંગ્સે તેને ટ્રેડ દ્વારા તેમની ટીમમાં ઉમેર્યો.
