મુંબઈ હોટેલ એસોસિએશન, આહાર, એ એક મુખ્ય નિવેદન જારી કર્યું છે. આહરે કહ્યું, “અત્યાર સુધી, મુંબઈમાં ૨૦% હોટલ ગેસ સપ્લાયની સમસ્યાને કારણે બંધ થઈ ગઈ છે. જા આ જ રીતે ચાલુ રહેશે, તો આગામી બે થી ત્રણ દિવસમાં મુંબઈની ૫૦% જેટલી હોટલો બંધ થઈ શકે છે. હોટલો કેટલી લાંબી ખુલ્લી રહી શકે છે તે તેમની પાસે ગેસ સપ્લાયની માત્રા પર આધાર રાખે છે. આહરે હજુ સુધી હોટલો બંધ રાખવા અંગે કોઈ સત્તાવાર નિર્ણય લીધો નથી, અને તે હોટલ માલિકોએ નક્કી કરવાનું રહેશે કે તેઓ તેમની હોટલો ખુલ્લી રાખવા માંગે છે કે નહીં.”
કેન્દ્રીય મંત્રી હરદીપ સિંહ પુરીને પત્ર લખ્યો છે, જેમાં જણાવાયું છે કે, “અમારી સંસ્થા આશરે ૮,૦૦૦ નાના રેસ્ટોરાં, પરમિટ રૂમ અને હોટલનું પ્રતિનિધિત્વ કરે છે અને મહારાષ્ટ્ર રાજ્યમાં ૬૫ સંલગ્ન સંસ્થાઓ સાથે સૌથી મોટી આતિથ્ય સંસ્થાઓમાંની એક છે. અમે તમારા નિર્દેશના કલમ ૩ અંગે અમારી ઊંડી ચિંતા વ્યક્ત કરવા માટે લખી રહ્યા છીએ, જે જણાવે છે કે તમામ જાહેર ક્ષેત્રના ઓએમસીએ ખાતરી કરવી જાઈએ કે આ રીતે ખરીદેલ એલપીજી ફક્ત સ્થાનિક એલપીજી ગ્રાહકોને જ સપ્લાય/માર્કેટિંગ કરવામાં આવે.”
“અમે સમજીએ છીએ કે વૈશ્વિક ભૂરાજકીય પરિબળોને કારણે વર્તમાન પરિસ્થિતિ અમારા નિયંત્રણની બહાર છે, પરંતુ પીએનજીમાંથી પુરવઠામાં કોઈપણ વિક્ષેપ સમગ્ર આતિથ્ય ઉદ્યોગ પર ગંભીર અને તાત્કાલિક અસર કરશે. રેસ્ટોરાં અને હોટલો તેમના દૈનિક રસોઈ કાર્યો માટે પીએનજી પર ભારે નિર્ભર છે, અને કોઈપણ વિક્ષેપ તમામ હિસ્સેદારોની આજીવિકા અને આવક પર ગંભીર અસર કરશે,
“તેથી અમે તમને નમ્ર વિનંતી કરીએ છીએ કે હોસ્પીતાલીલિટી ઉદ્યોગને ઓછામાં ઓછી માત્રામાં પીએનજી પુરવઠો મળતો રહે, જેથી રેસ્ટોરન્ટ્સ અને હોટલો સરળતાથી કાર્યરત થઈ શકે અને કર્મચારીઓની આજીવિકા સુરક્ષિત રહે. અમે આ બાબતમાં તમારા સહયોગ અને સમર્થનની રાહ જાઈ રહ્યા છીએ,” આહરે કહ્યું.
