લુધિયાણાની ખાસ એનડીપીએસ કોર્ટે આંતરરાજ્ય ગાંજાની દાણચોરીના કેસમાં આરોપી અજિત સિંહને ૧૦ વર્ષની સખત કેદ અને એક લાખ રૂપિયાના દંડની સજા ફટકારી છે, જે ડ્રગના દાણચોરો માટે કડક ચેતવણી માનવામાં આવી રહી છે.
આ કેસ ૨૦ ફેબ્રુઆરી, ૨૦૧૮નો છે. દ્ગઝ્રમ્ને બાતમી મળી હતી કે લુધિયાણામાં ગાંજાની મોટી ખેપ લાવવામાં આવી રહી છે. માહિતી પર તાત્કાલિક કાર્યવાહી કરતા,એનસીબીના ચંદીગઢ ઝોનલ યુનિટે છટકું ગોઠવ્યું અને જમ્મુ અને કાશ્મીરના કઠુઆના રહેવાસી અજિત સિંહની સ્થળ પર ધરપકડ કરી. તેના કબજામાંથી ૨.૮૪૦ કિલોગ્રામ ગાંજા જપ્ત કરવામાં આવ્યો.
પૂછપરછ દરમિયાન મળેલા સંકેતોના આધારે, ટીમે શહેરની લકી હોટેલ પર દરોડો પાડ્યો, જ્યાં તેના સાથી શ્યામ લાલ (કઠુઆનો રહેવાસી) ની ધરપકડ કરવામાં આવી. શ્યામ લાલ પાસેથી ૧.૧૭૫ કિલોગ્રામ હશીશ મળી આવી. આમ, એક જ દિવસમાં ચાર કિલોગ્રામથી વધુ હશીશ જપ્ત કરીને, એનસીબીએ આ આંતરરાજ્ય દાણચોરી નેટવર્કની કરોડરજ્જુ તોડી નાખી. એનસીબીએ ઓગસ્ટ ૨૦૧૮ માં બંને આરોપીઓ સામે ચાર્જશીટ દાખલ કરી. ટ્રાયલ દરમિયાન, શ્યામ લાલનું ૨૦ નવેમ્બર, ૨૦૨૫ ના રોજ મૃત્યુ થયું, જેના પરિણામે તેમની સામેની કાર્યવાહી સમાપ્ત થઈ ગઈ. અજિત સિંહ સામેનો કેસ ચાલુ રહ્યો, અને મજબૂત પુરાવાના આધારે, કોર્ટે તેમને દોષિત ઠેરવ્યા.
એનસીબીના ચંદીગઢ ઝોનલ યુનિટે આ નિર્ણયને ડ્રગ્સ સામેની ઝુંબેશમાં એક સીમાચિહ્નરૂપ ગણાવ્યો છે. વિભાગનું કહેવું છે કે જ્યાં સુધી ડ્રગ નેટવર્ક સંપૂર્ણપણે નાબૂદ ન થાય ત્યાં સુધી કાર્યવાહી ચાલુ રહેશે અને કોઈપણ દાણચોરને બક્ષવામાં આવશે નહીં, પછી ભલે તે ગમે તે હોય.
