દક્ષિણ આફ્રિકા સામે સુપર આઠમાં હાર બાદ, ભારતીય ટીમ મજબૂત વાપસી કરવા માંગે છે. ભારત હવે ગુરુવારે ઝિમ્બાબ્વે સામે ટકરાશે, જે બંને ટીમો માટે કરો યા મરો જેવી મેચ હશે. સેમિફાઇનલમાં પહોંચવાની આશા જીવંત રાખવા માટે ભારતને ઝિમ્બાબ્વે સામે મોટી જીતની જરૂર પડશે. ચાહકો માટે એકમાત્ર રાહત એ છે કે ભારતનો ઝિમ્બાબ્વે સામે ઉત્તમ ટી ૨૦ રેકોર્ડ છે અને તેમને હરાવવામાં કોઈ મુશ્કેલી ન હોવી જાઈએ.
ભારત અને ઝિમ્બાબ્વે વચ્ચે કુલ ૧૩ ટી ૨૦ મેચ રમાઈ છે, જેમાં ટીમ ઇન્ડિયાએ ૧૦ જીતી છે. ફક્ત ત્રણ મેચ ઝિમ્બાબ્વેના પક્ષમાં ગઈ છે. ટી ૨૦ વર્લ્ડ કપમાં બંને દેશો ફક્ત એક જ વાર એકબીજા સામે ટકરાયા છે, જેમાં ભારત જીત્યું છે. ભારત અને ઝિમ્બાબ્વે વચ્ચે દ્વિપક્ષીય શ્રેણીની બધી મેચ ઝિમ્બાબ્વેના હરારેમાં રમાઈ છે. બંને દેશો વચ્ચેની પહેલી ટી ૨૦ ક્રિકેટ મેચ ૧૨ જૂન, ૨૦૧૦ ના રોજ રમાઈ હતી, જેમાં ભારતે છ વિકેટથી જીત મેળવી હતી. ટીમ ઇન્ડિયાએ ૧૩ જૂને શ્રેણીની બીજી અને અંતિમ મેચ સાત વિકેટથી જીતીને ક્લીન સ્વીપ હાંસલ કર્યો હતો.
આ પછી, ભારતે ૨૦૧૫ માં આ દેશ સામે બે મેચની ટી ૨૦ શ્રેણી રમી, જે ૧-૧ થી ડ્રો રહી. જૂન ૨૦૧૬ માં, ભારત અને ઝિમ્બાબ્વે વચ્ચે ત્રણ મેચની શ્રેણી રમાઈ. યજમાન ઝિમ્બાબ્વેએ પ્રથમ મેચ બે રનના નાના માર્જિનથી જીતી, પરંતુ ભારતે આગામી બે મેચ જીતીને શ્રેણી ૨-૧ થી જીતી. ત્યારબાદ બંને દેશો ્૨૦ વર્લ્ડ કપ ૨૦૨૨ માં આમને-સામને થયા, જ્યાં ભારતે ૧૮૬/૫ નો સ્કોર કર્યા પછી, ઝિમ્બાબ્વેને ફક્ત ૧૧૫ રનમાં ઓલઆઉટ કરી દીધું. આ મેચ મેલબોર્નમાં રમાઈ હતી.
જુલાઈ ૨૦૨૪ માં, ભારતે ઝિમ્બાબ્વે સામે પાંચ મેચની ્૨૦ શ્રેણી રમી. ઝિમ્બાબ્વેએ શ્રેણીની પહેલી મેચ ૧૩ રનથી જીતીને બધાને આશ્ચર્યચકિત કરી દીધા, પરંતુ ટીમ ઇન્ડિયાએ શાનદાર વાપસી કરી અને આગામી મેચ ૧૦૦ રનથી જીતી લીધી. ટીમ ઇન્ડિયાએ શ્રેણીની ત્રીજી મેચ ૨૩ રનથી જીતી, ત્યારબાદ આગામી મેચમાં ૧૦ વિકેટથી શાનદાર વિજય મેળવ્યો, જેમાં અજેય લીડ મેળવી. ટીમ ઇન્ડિયાએ અંતિમ મેચ ૪૨ રનથી જીતીને શ્રેણી ૪-૧થી પોતાના નામે કરી લીધી.
