કેન્દ્રીય ગૃહ અને સહકાર મંત્રી અમિત શાહે સોમવારે ભારત ટેક્સી સાથે સંકળાયેલા કેબ ડ્રાઇવરો સાથે વાતચીત કરી અને તેમના પ્રશ્નોના જવાબ આપ્યા. દેશની પ્રથમ સહકારી ટેક્સી સેવા ભારત ટેક્સીના ડ્રાઇવરો સાથે વાતચીત કરતી વખતે અમિત શાહે જણાવ્યું હતું કે ૨.૫ લાખ ડ્રાઇવરોએ આ સેવામાં નોંધણી કરાવી છે. કેન્દ્રીય મંત્રીએ જણાવ્યું હતું કે ભારત ટેક્સી દ્વારા, સરકાર ઇચ્છે છે કે જે ડ્રાઇવરો દિવસ-રાત કામ કરે છે તેમને તેમની મહેનતનો લાભ મળે, કોઈ શ્રીમંત ઉદ્યોગપતિને નહીં. કંપનીઓ ચલાવવાનો હેતુ માલિકોને શ્રીમંત બનાવવાનો છે. મંત્રીએ ઉમેર્યું હતું કે સરકારનો ઉદ્દેશ્ય માલિકોને શ્રીમંત બનાવવાનો પણ છે, પરંતુ કંપની માલિકોને નહીં, પરંતુ દિવસ-રાત કામ કરતા કેબ માલિકોને.
અમિત શાહે કેબ ડ્રાઇવરોને ઉદાહરણ સાથે સમજાવ્યુંઃ તેમને ભારત ટેક્સીમાં ફક્ત ૫૦૦ રોકાણ કરવાની જરૂર છે. ત્રણ વર્ષ પછી, ભારત ટેક્સી ૨૫ કરોડ કમાશે. આમાંથી ૨૦ ટકા ભારત ટેક્સીના ખાતામાં ડ્રાઇવરોની મૂડી તરીકે જમા કરવામાં આવશે, અને બાકીના ૮૦ ટકા ડ્રાઇવરોના કામના આધારે તેમના બેંક ખાતામાં જમા કરવામાં આવશે. અમિત શાહે જણાવ્યું હતું કે જે લોકો કેબ સેવામાં પોતાના વાહનો ચલાવે છે તેઓ માલિકો છે, અને તેઓ હાલમાં જે ભાડું કમાય છે તે તેમનું છે. વધુમાં, ભારત ટેક્સી કંપની દ્વારા થતા નફામાંથી ડ્રાઇવરોને હિસ્સો આપવામાં આવશે. જાકે, તેમણે ઉમેર્યું કે તેમને પહેલા ત્રણ વર્ષ માટે ધીરજ રાખવાની જરૂર પડશે.
મંત્રીએ જણાવ્યું કે જ્યારે ભારત ટેક્સીના ડિરેક્ટર બોર્ડની ચૂંટણી થશે, ત્યારે કેટલીક બેઠકો કેબ ડ્રાઇવરો માટે અનામત રાખવામાં આવશે, જેથી તેમના હિતોને ધ્યાનમાં લેવામાં આવે. તેમણે જણાવ્યું કે ભારત ટેક્સી ડ્રાઇવરો સહકારી બેંકો પાસેથી લોન મેળવશે, જેમાં તેમના વાહનો કોલેટરલ તરીકે હશે.આઇએફએફસીઓ ટોકિયો નોંધપાત્ર રીતે ઓછા પ્રીમિયમ સાથે ડ્રાઇવર વીમો આપશે. તેમણે ઉમેર્યું કે સરકાર ભારત ટેક્સીમાં આવી ઘણી જાગવાઈઓ ઉમેરવાની યોજના બનાવી રહી છે. જાકે, આમાં થોડો સમય લાગશે, અને ત્યાં સુધી ડ્રાઇવરોએ ધીરજ રાખવાની જરૂર પડશે.
