દિલ્હીમાં લાલ કિલ્લાની સામે બોમ્બ વિસ્ફોટની શક્્યતા અંગે ચેતવણી જારી કરવામાં આવી છે. વધુમાં, આતંકવાદીઓ ચાંદની ચોકમાં મંદિરને પણ નિશાન બનાવી શકે છે. સૂત્રો અનુસાર, લશ્કર-એ-તૈયબા સક્રિય છે અને આઇઇડી હુમલાનું કાવતરું ઘડી રહ્યું છે. હકીકતમાં, લશ્કર-એ-તૈયબા પાકિસ્તાનના ઇસ્લામાબાદમાં ૬ ફેબ્રુઆરીએ થયેલા મસ્જિદ બોમ્બ વિસ્ફોટનો બદલો લેવા માટે ભારતમાં એક મોટા આતંકવાદી હુમલાની યોજના બનાવી રહ્યું છે. લશ્કર-એ-તૈયબાના નિશાનામાં દેશના મુખ્ય મંદિરોનો સમાવેશ થાય છે. આ ઘટના ગુપ્તચર એજન્સીઓએ એક મહિના પહેલા ચેતવણી આપ્યા બાદ આવી છે, જેમાં કહેવામાં આવ્યું હતું કે ખાલિસ્તાની આતંકવાદી સંગઠનો અને બાંગ્લાદેશ સ્થિત આતંકવાદી જૂથો પ્રજાસત્તાક દિવસ (૨૬ જાન્યુઆરી) પહેલા દિલ્હી અને દેશના ઘણા અન્ય શહેરોને નિશાન બનાવવાનો પ્રયાસ કરી શકે છે.
સુરક્ષા એજન્સીના સૂત્રોના જણાવ્યા અનુસાર, લશ્કર-એ-તૈયબા આતંકવાદી સંગઠન ૬ ફેબ્રુઆરીએ પાકિસ્તાનની રાજધાની ઇસ્લામાબાદમાં એક મસ્જિદમાં થયેલા આત્મઘાતી હુમલાનો બદલો લેવા માંગે છે, જેમાં ૩૧ લોકો માર્યા ગયા હતા અને ૧૬૦ થી વધુ ઘાયલ થયા હતા. જાકે, ઇસ્લામિક સ્ટેટ જૂથે મસ્જિદમાંહુમલાની જવાબદારી સ્વીકારી હતી. “દરજામના આંતરિક દરવાજા સુધી પહોંચતા, આત્મઘાતી બોમ્બરે શિયા સમુદાયમાં પોતાનો વિસ્ફોટક વેસ્ટ વિસ્ફોટ કર્યો, જેમાં મોટી સંખ્યામાં લોકો માર્યા ગયા અને ઘાયલ થયા,આઇએસએ એક નિવેદનમાં જણાવ્યું હતું.
આ ઘટના ૧૦ નવેમ્બર, ૨૦૨૫ ના રોજ દિલ્હીના ઐતિહાસિક લાલ કિલ્લા પાસે થયેલા ઘાતક કાર બોમ્બ વિસ્ફોટના ત્રણ મહિના પછી આવી છે, જેમાં ૧૨ લોકો માર્યા ગયા હતા અને લગભગ બે ડઝન લોકો ઘાયલ થયા હતા. લાલ કિલ્લા મેટ્રો સ્ટેશન નજીક વિસ્ફોટકોથી ભરેલી કારના વિસ્ફોટથી નજીકના અનેક વાહનોમાં આગ લાગી ગઈ હતી. ડીએનએ ટેસ્ટના પરિણામો અનુસાર, ફરીદાબાદની અલ-ફલાહ યુનિવર્સિટીના ડાક્ટર ઉમર મોહમ્મદ ઉન નબી વિસ્ફોટ થયેલી કાર ચલાવી રહ્યા હતા.
