અમરેલી એ.આર.ટી.ઓ દ્વારા જાન્યુઆરી ૨૦૨૬ માસ દરમિયાન જિલ્લામાં હેલ્મેટ, સીટ બેલ્ટ, રીફ્લેક્ટર, પી.યુ.સી, ફેન્સી નંબર પ્લેટ, નંબર પ્લેટ વગરના વાહન, હાઇબીમ લાઇટ સહિતની બાબતોને લઈને જનજાગૃતિ પ્રસરાવવામાં આવશે. સ્કૂલ કોલેજ કક્ષાએ રોડ સેફ્ટીને લગતા
જનજાગૃતિ કાર્યક્રમો યોજાશે. ‘શીખ સે સુરક્ષા, ટેક્નોલોજી સે પરિવર્તન’ પહેલ અન્વયે તા.૦૮ના રોજ અમરેલી એસ.ટી. બસપોર્ટ ખાતે ડ્રાઈવર્સ અને કંડક્ટરોને રોડ સેફ્ટી વિષયક માહિતી માર્ગદર્શન આપવામાં આવ્યું હતું. જેમાં ૬૦ થી ૭૦ જેટલા ડ્રાઈવર્સ-કંડક્ટરોને રોડ સેફ્ટી બાબતે માહિતગાર કરવામાં આવ્યા હતા. લેન ડ્રાઈવીંગ કરવું, નો પાર્કિંગ ઝોનમાં વાહન પાર્ક ન કરવું, નશાનું સેવન ન કરવું, વાહનમાં સ્વચ્છતા રાખવી સહિતની બાબતો વિષયક જનજાગૃતિ વધે તેવા સરાહનીય પ્રયાસો કરવામાં આવી રહ્યા છે.
