પ્રવર્તન નિર્દેશાલય (ઈડી) એ તૃણમૂલ કોંગ્રેસના આઇટી વડા પ્રતીક જૈનના ઘરે દરોડા પાડ્યા. પશ્ચિમ બંગાળના મુખ્યમંત્રી મમતા બેનર્જીએ પ્રતીક જૈનના ઘરે ઈડીના દરોડા પર નારાજગી વ્યક્ત કરી હતી. આ દરમિયાન, મુખ્યમંત્રી મમતા બેનર્જી પ્રતિક જૈનના નિવાસસ્થાને પહોંચ્યા. પશ્ચિમ બંગાળના મુખ્યમંત્રી મમતા બેનર્જીએ કહ્યું, ઈડીએ ટીએમસીના આઇટી વડાના ઘરે દરોડા પાડ્યા તે અત્યંત દુર્ભાગ્યપૂર્ણ છે.
મમતા બેનર્જીએ ટીએમસીના આઇટી વડાના ઘરે દરોડા પાડવા અંગે પ્રશ્ન ઉઠાવતા પૂછ્યું, “શું રાજકીય પક્ષોના આઇટી વડાઓના ઘરે દરોડા પાડવાનું કેન્દ્રીય ગૃહમંત્રીનું કામ છે?” અહેવાલો અનુસાર, ઈડીએ નાણાકીય ગેરરીતિઓના સંદર્ભમાં પ્રતીક જૈનના ઘરે દરોડા પાડ્યા હતા.
પશ્ચિમ બંગાળના મુખ્યમંત્રી મમતા બેનર્જીએ ગુરુવારે આરોપ લગાવ્યો કે પ્રતીક જૈનના નિવાસસ્થાને સર્ચ ઓપરેશન દરમિયાન ઈડીના અધિકારીઓ ટીએમસીની હાર્ડ ડ્રાઈવ, આંતરિક દસ્તાવેજા અને સંવેદનશીલ સંગઠનાત્મક ડેટા જપ્ત કરવાનો પ્રયાસ કરી રહ્યા હતા. ટીએમસીના આઇટી ચીફના ઘરે ઇડીનો દરોડો રાજકીય બદલો લેવાથી પ્રેરિત અને ગેરબંધારણીય હોવાનો આરોપ લગાવતા, તેમણે કહ્યું, “આ ગૃહમંત્રીનું સૌથી ઘૃણાસ્પદ કૃત્ય છે.”
પત્રકારો સાથે વાત કરતા, મમતા બેનર્જીએ કહ્યું, “તેઓએ અમારા આઇટી ચીફના નિવાસસ્થાને દરોડા પાડ્યા. તેઓ મારી પાર્ટીના દસ્તાવેજા અને વિધાનસભા ચૂંટણી માટેના અમારા ઉમેદવારોની વિગતો ધરાવતી હાર્ડ ડિસ્ક જપ્ત કરી રહ્યા હતા. મેં તે પાછા લઈ લીધા છે.” તેમણે આરોપ લગાવ્યો કે ઇડી આ બધા દસ્તાવેજા જપ્ત કરી રહી છે અને ભાજપને આપવા જઈ રહી છે.
પશ્ચિમ બંગાળ વિધાનસભામાં વિપક્ષના નેતા સુવેન્દુ અધિકારીએ દરોડાના સ્થળે મુખ્યમંત્રી મમતા બેનર્જીના આગમનને ગેરબંધારણીય અને કેન્દ્રીય એજન્સીની તપાસમાં દખલ ગણાવી. તેમણે કહ્યું કે ઈડ્ઢએ મુખ્યમંત્રી સામે કાર્યવાહી કરવી જાઈએ. “મારું માનવું છે કે મુખ્યમંત્રી અને કોલકાતા પોલીસ કમિશનરની મુલાકાત અનૈતિક, ગેરબંધારણીય અને કેન્દ્રીય એજન્સીની તપાસમાં સીધી દખલ હતી,” જૈનની તેમના નિવાસસ્થાનની મુલાકાત બાદ અધિકારીએ કહ્યું.
ગુરુવારે, ઈડીએ દેશભરના ૬ રાજ્યોમાં ૧૫ સ્થળોએ દરોડા પાડ્યા. દરોડામાં ભારતીય રાજકીય કાર્યવાહી સમિતિના કોલકાતા કાર્યાલયનો પણ સમાવેશ થાય છે. ઈડીએ સરકારી નોકરીઓના ખોટા દાવાઓ સાથે સંકળાયેલા કૌભાંડની તપાસના ભાગ રૂપે દરોડા પાડ્યા હતા. ઈડીનું કહેવું છે કે એક જૂથ નકલી નોકરીઓ આપવાની આડમાં લોકોને છેતરપિંડી કરી રહ્યું છે.
