પશ્ચિમ બંગાળમાં એસઆઇઆર ઝડપથી પ્રગતિ કરી રહ્યું છે, અને આ વચ્ચે, સીએમ મમતા બેનર્જીએ માલદામાં તેનો વિરોધ કરવા માટે એક રેલી યોજી હતી. આ રેલીમાં મમતા બેનર્જીએ એસઆઇઆર પર નિશાન સાધ્યું. મુખ્યમંત્રી મમતા બેનર્જીએ કહ્યું કે જ્યાં સુધી તેઓ અહીં છે ત્યાં સુધી એક પણ બંગાળીને ડિટેન્શન કેમ્પમાં મોકલવામાં આવશે
નહીં કે બાંગ્લાદેશ મોકલવામાં આવશે નહીં. આ દરમિયાન મમતા બેનર્જીએ હિન્દુત્વનો મુદ્દો પણ ઉઠાવ્યો અને કહ્યું કે ભાજપ પાસેથી હિન્દુત્વ શીખવાની કોઈ જરૂર નથી.
મુખ્યમંત્રી મમતા બેનર્જીએ માલદા રેલીમાં સુનાલી ખાતુન વિશે પણ વાત કરી. તેમણે કહ્યું કે સુનાલી ખાતુનને બાંગ્લાદેશી ગણાવી દેવામાં આવી હતી અને તેમને સરહદ પાર મોકલી દેવામાં આવ્યા હતા કારણ કે તે બંગાળી બોલે છે. સુપ્રીમ કોર્ટે સુનાલી ખાતુનને ભારત પાછા ફરવાની મંજૂરી આપ્યા બાદ મમતા બેનર્જીએ કેન્દ્રિય એનડીએ સરકાર પર હુમલો કર્યો.
મુખ્યમંત્રી મમતા બેનર્જીએ પોતાના સંબોધનમાં કેન્દ્રીય ગૃહમંત્રી અમિત શાહ પર પણ નિશાન સાધ્યું. તેમણે કહ્યું કે આવતા વર્ષે પશ્ચિમ બંગાળમાં વિધાનસભાની ચૂંટણીઓ થવાની છે. તે પહેલાં પશ્ચિમ બંગાળમાં જીંઇ કરવાના કાવતરા પાછળ ગૃહમંત્રી અમિત શાહનો હાથ છે. મુખ્યમંત્રી મમતા બેનર્જીએ એમ પણ કહ્યું, “પશ્ચિમ બંગાળમાં જીંઇ શરૂ કરીને, ભાજપે પોતાની કબર ખોદી છે.”
એ નોંધવું જોઈએ કે મતદાર યાદીમાંથી નકલી મતદારોને દૂર કરવાના ઉદ્દેશ્યથી પશ્ચિમ બંગાળ સહિત ૧૨ રાજ્યો અને કેન્દ્રશાસિત પ્રદેશોમાં હાલમાં સ્પેશિયલ ઇન્ટેન્સીવ રિવિઝન પ્રક્રિયા ચાલી રહી છે. કોઈ પણ મતદાર એસઆઇઆર ફોર્મ ભર્યા વિના ન રહે તે માટે, ફોર્મ સબમિટ કરવાની અંતિમ તારીખ ૪ ડિસેમ્બર, ૨૦૨૫ થી વધારીને ૧૧ ડિસેમ્બર, ૨૦૨૫ કરવામાં આવી છે. તાજેતરમાં, ચૂંટણી પહેલા બિહારમાં એસઆઇઆર હાથ ધરવામાં આવ્યું હતું, અને આ પ્રક્રિયા દરમિયાન, ૪.૭ મિલિયન નકલી મતદારોને મતદાર યાદીમાંથી દૂર કરવામાં આવ્યા હતા.
