શ્રીલંકામાં ચક્રવાત દિટવાહાથી કુલ આર્થિક નુકસાન છ થી સાત અબજ ડોલરની વચ્ચે હોવાનો અંદાજ છે. આ ટાપુ રાષ્ટ્રના જીડીપીના આશરે ત્રણ થી પાંચ ટકા છે. આર્થિક નુકસાનનો આ અંદાજ બુધવારે બચાવ પ્રયાસોનું નિરીક્ષણ કરતા એક વરિષ્ઠ અધિકારી દ્વારા આપવામાં આવ્યો હતો.
શ્રીલંકામાં વ્યાપક પૂર, ભૂસ્ખલન અને માળખાગત સુવિધાઓને ભારે નુકસાન થયું છે. અત્યાર સુધીમાં ઓછામાં ઓછા ૪૬૫ લોકોનાં મોત થયા છે અને ૩૬૬ લોકો ગુમ થયા છે, જેના કારણે ઘણા જિલ્લાઓ અલગ થઈ ગયા છે અને દેશની આપત્તિ પ્રતિભાવ ક્ષમતા પર નોંધપાત્ર દબાણ આવ્યું છે.
કમિશનર જનરલ ઓફ એસેન્શીયલ સર્વિસીસ પ્રભાત ચંદ્રકીર્તિએ જણાવ્યું હતું કે, “બધા ૨૫ જિલ્લાઓ પ્રભાવિત થયા હોવાથી, અમે અંદાજ લગાવીએ છીએ કે ખર્ચ ૬-૭ અબજ યુએસ ડોલર થશે.” તેમણે કહ્યું કે ૧.૪ મિલિયનથી વધુ લોકો પ્રભાવિત થયા છે, અને ૨૩૩,૦૦૦ થી વધુ લોકો ૧,૪૪૧ રાહત કેન્દ્રોમાં આશ્રય લઈ રહ્યા છે.
ચંદ્રકીર્તિએ જણાવ્યું હતું કે આપત્તિ પછીની પ્રક્રિયાઓને ઝડપી બનાવવા માટે નવી કાનૂની જાગવાઈઓની જરૂર પડશે. ઉદાહરણ તરીકે, હાલના કાયદાઓ હેઠળ, મૃત્યુ પ્રમાણપત્રો ફક્ત છ મહિના પછી જ જારી કરી શકાય છે. “આ સમયગાળાને ઘટાડવા માટે આપણે નવા કાયદાઓ રજૂ કરવાની જરૂર છે,
અધિકારીએ જણાવ્યું હતું કે સરકારે સ્થિર શાકભાજીની આયાતને અસ્થાયી રૂપે મંજૂરી આપવાનો નિર્ણય લીધો છે કારણ કે મધ્ય પર્વતીય જિલ્લાઓમાં મુખ્ય શાકભાજી ઉત્પાદક વિસ્તારો ભૂસ્ખલન અને પૂરથી તબાહ થઈ ગયા છે. કેન્ડીમાં સૌથી વધુ મૃત્યુ થયા છે, જેમાં ૧૧૮, ત્યારબાદ નુવારા એલિયામાં ૮૯ અને બદુલ્લામાં ૮૩ મૃત્યુ થયા છે, જે બધા મધ્ય પર્વતીય ક્ષેત્રમાં છે.
ચંદ્રકીર્તિએ જણાવ્યું હતું કે અસરગ્રસ્ત પરિવારો માટે ઘર સફાઈ ભથ્થું ૧૦,૦૦૦ ન્દ્ભઇ થી વધારીને એલકેઆર ૨૫,૦૦૦ કરવામાં આવ્યું છે અને માલિકી ચકાસણી વિના તેનું વિતરણ કરવામાં આવશે. હાલમાં, ૧ એલકેઆર ૦.૩૪૪૨ રૂપિયા બરાબર છે.
ડિઝાસ્ટર મેનેજમેન્ટ સેન્ટરના જણાવ્યા અનુસાર, મંગળવાર સુધીમાં, ૭૮૩ ઘરો નાશ પામ્યા હતા અને ૩૧,૪૧૭ ને આંશિક નુકસાન થયું હતું. ટેલિકોમ અધિકારીઓએ જણાવ્યું હતું કે ગુરુવાર સુધીમાં બધી ખોરવાયેલી સેવાઓ પુનઃસ્થાપિત થવાની અપેક્ષા છે. પૂર અને ભૂસ્ખલનને કારણે ૪,૦૦૦ થી વધુ કોમ્યુનિકેશન ટાવર સેવામાંથી બહાર હતા, જેમાંથી લગભગ ૨,૮૦૦ પહેલાથી જ પુનઃસ્થાપિત કરવામાં આવ્યા છે.
