ભારતીય ક્રિકેટ કંટ્રોલ બોર્ડે દેશના બે દિગ્ગજ ક્રિકેટરો, વિરાટ કોહલી અને રોહિત શર્માને સ્પષ્ટ સંદેશ મોકલ્યો છે. બોર્ડે તેમને કહ્યું છે કે જા તેઓ વનડે ટીમમાં રહેવા માંગતા હોય, તો તેમણે ઘરેલુ વનડે ટુર્નામેન્ટમાં ભાગ લેવો પડશે. બંને ખેલાડીઓ હવે ટેસ્ટ અને ટી ૨૦ આંતરરાષ્ટ્રીય ફોર્મેટમાંથી નિવૃત્તિ લઈ ચૂક્યા છે અને ફક્ત વનડે ટીમમાં સક્રિય છે. આવી સ્થિતિમાં, બોર્ડ અને ટીમ મેનેજમેન્ટ ઇચ્છે છે કે તેઓ ઘરેલુ ક્રિકેટ દ્વારા તેમની મેચ ફિટનેસ અને ફોર્મ જાળવી રાખે.
અહેવાલ મુજબ, આ દિશામાં પ્રથમ પગલું ૨૪ ડિસેમ્બરે રમાનારી વિજય હજારે ટ્રોફી મેચ તરીકે જાવામાં આવી રહ્યું છે. આ મેચ ૩ થી ૯ ડિસેમ્બર દરમિયાન દક્ષિણ આફ્રિકા સામેની વનડે શ્રેણી અને ૧૧ જાન્યુઆરીથી શરૂ થતી ન્યુઝીલેન્ડ શ્રેણી વચ્ચે સ્થાનિક કેલેન્ડરમાં એકમાત્ર વનડે મેચ છે. અહેવાલો અનુસાર, રોહિત શર્માએ મુંબઈ ક્રિકેટ એસોસિએશનને જાણ કરી છે કે તે વિજય હજારે ટ્રોફી માટે ઉપલબ્ધ રહેશે. જાકે, હાલમાં વિરાટ કોહલીની ઉપલબ્ધતા અંગે કોઈ સ્પષ્ટતા નથી.
બીસીસીઆઇના એક વરિષ્ઠ અધિકારીએ જણાવ્યું હતું કે, “બોર્ડ અને ટીમ મેનેજમેન્ટે બંનેને સ્પષ્ટ કરી દીધું છે કે જા તેઓ ભારત માટે રમવા માંગતા હોય, તો તેમણે ઘરેલુ ક્રિકેટ રમવું જ જાઈએ. કારણ કે તેઓ બે ફોર્મેટમાંથી નિવૃત્ત થઈ ગયા છે, તેથી ફિટનેસ અને લય જાળવવા માટે આ જરૂરી છે.” ગયા મહિને જ પસંદગી સમિતિના અધ્યક્ષ અજિત અગરકરે પણ ખેલાડીઓને ઘરેલુ ક્રિકેટમાં ભાગ લેવાની જરૂરિયાત પર ભાર મૂક્યો હતો. તેમણે કહ્યું હતું કે, “અમે અગાઉ સ્પષ્ટ કરી દીધું છે કે ખેલાડીઓ જ્યારે પણ ઉપલબ્ધ હોય ત્યારે ઘરેલુ ક્રિકેટ રમવી જાઈએ. આ પોતાને શાર્પ રાખવાનો માર્ગ છે, ખાસ કરીને જ્યારે આંતરરાષ્ટ્રીય ક્રિકેટથી લાંબો વિરામ હોય.”
રોહિત શર્માએ સંકેત આપ્યો છે કે તે ૨૬ નવેમ્બરથી શરૂ થનારી સૈયદ મુશ્તાક અલી ટી ૨૦ ટુર્નામેન્ટમાં પણ ભાગ લઈ શકે છે. તે હાલમાં મુંબઈમાં શરદ પવાર ઇન્ડોર એકેડેમીમાં તાલીમ લઈ રહ્યો છે. દરમિયાન, કોહલી હાલમાં લંડનમાં રહે છે, અને બોર્ડને આશા છે કે તે ટૂંક સમયમાં ઘરેલુ સર્કિટમાં જાવા મળશે. બંને ખેલાડીઓએ છેલ્લી સિઝનમાં એક-એક રણજી ટ્રોફી મેચ રમી હતી. જાન્યુઆરીમાં, કોહલી ૧૨ વર્ષ પછી દિલ્હી માટે મેદાનમાં ઉતર્યો હતો, જ્યારે રોહિત ૧૦ વર્ષ પછી મુંબઈ માટે રમ્યો હતો.
રોહિતે તે સમયે કહ્યું હતું કે, “૨૦૧૯ થી, જ્યારે મેં નિયમિતપણે ટેસ્ટ ક્રિકેટ રમવાનું શરૂ કર્યું, ત્યારે મારી પાસે ઘરેલુ ક્રિકેટ માટે ખૂબ જ ઓછો સમય રહ્યો છે. આખું વર્ષ આંતરરાષ્ટ્રીય ક્રિકેટ રમ્યા પછી, થોડો આરામ જરૂરી છે. પરંતુ હવે અમે આ મુદ્દાને ગંભીરતાથી લઈ રહ્યા છીએ.” પસંદગી સમિતિના વડા અજિત અગરકરે પણ સ્પષ્ટતા કરી કે કોહલી અને રોહિત ટ્રાયલ પર નથી. તેમણે કહ્યું, “બંને ખેલાડીઓએ ભારતીય ક્રિકેટ માટે ઘણું બધું પ્રાપ્ત કર્યું છે, ફક્ત ટ્રોફીમાં જ નહીં પરંતુ રનમાં પણ. આગામી વર્લ્ડ કપ (૨૦૨૭) સુધી હજુ ઘણો સમય છે. જા તેઓ એક ફોર્મેટ રમી રહ્યા છે અને લાંબા વિરામ પછી ઘરેલુ મેચ રમી રહ્યા છે, તો અમે તેમની પરિસ્થિતિનું મૂલ્યાંકન કરવાનું ચાલુ રાખીશું.” અગરકરે એમ પણ ઉમેર્યું કે ૨૦૨૭ સુધીમાં ઘણા ફેરફારો શક્ય છે, અને તે ફક્ત કોહલી અને રોહિત પર નિર્ભર રહેશે નહીં, પરંતુ ત્યાં સુધીમાં ઘણા યુવા ખેલાડીઓની સ્થિતિ પણ બદલાઈ શકે છે.
