ગુજરાત પ્રદેશ કોંગ્રેસ સમિતિ દ્વારા સંગઠનને વધુ મજબૂત કરવાના ‘સંગઠન સૃજન અભિયાન’ અંતર્ગત અમરેલી જિલ્લાના તાલુકા અને નગરપાલિકાના પ્રમુખોની નિમણૂક માટે નિરીક્ષકોની નિયુક્તિ કરવામાં આવી છે. નિયુક્ત કરાયેલા નિરીક્ષકોએ આગામી ત્રણ દિવસ, એટલે કે ૧૫મી ઓક્ટોબર (બુધવાર) થી ૧૭મી ઓક્ટોબર (શુક્રવાર) દરમિયાન જિલ્લા કોંગ્રેસ સમિતિ ખાતે ઉપસ્થિત રહીને બેઠકો યોજશે અને તાલુકા/નગરપાલિકાના આગેવાનો તથા કાર્યકરો સાથે વિચારવિમર્શ કરશે. ૧૫મી ઓક્ટોબરે ભીખુભાઈ વારોતરીયા, દિનેશભાઈ મકવાણા અને લલિતભાઈ વસોયાની નિરીક્ષક તરીકેની હાજરીમાં લિલીયા, સાવરકુંડલા અને રાજુલા-જાફરાબાદ ખાતે બેઠકો યોજાશે. ત્યારબાદ, ૧૬મી ઓક્ટોબરે ઋત્વિકભાઈ મકવાણા, રાજેશભાઈ જોશી અને સંજયસિંહ સરવૈયા દ્વારા ધારી-ખાંભા-ચલાલા, બગસરા-કુકાવાવ અને અમરેલી તાલુકા-શહેર માટે બેઠક થશે. અંતે, ૧૭મી ઓક્ટોબરે મોહનભાઈ વાળા, હરદેવસિંહ જાડેજા અને રાજેશભાઈ જોશીની હાજરીમાં લાઠી તાલુકો અને શહેર તથા બાબરા તાલુકો, શહેર અને દામનગર માટે વિચારવિમર્શ કરવામાં આવશે.
